Qazaqstan • 28 Shilde, 2021

QazVac Qyrǵyzstanǵa jetkizildi

83 ret kórsetildi

Memleket basshysy Qasym-Jomart Toqaevtyń Qyrǵyz eliniń Prezıdenti Sadyr Japarovpen kelissózderiniń nátıjesi boıynsha bergen tapsyrmasyna oraı, Qazaqstan Úkimeti kórshi Qyrǵyz eline gýmanıtarlyq kómek kórsetti, dep habarlaıdy Egemen.kz.

Jambyl oblysy, Qordaı aýdany, Gvardeıskıı qalashyǵynan QazVac vaksınasynyń 25000 dozasy kórshi memleketke jiberildi. Qazaq eliniń atynan izgilik kómek retinde baýyrlas memleketke dep daıyndalǵan otandyq vaksına Qordaı aýdanynda ornalasqan Bıologııalyq qaýipsizdik problemalarynyń ǵylymı-zertteý ınstıtýtynyń ǵımaratynan arnaıy kólikke tıelip, aýdan ortalyǵy Qordaı aýyly arqyly Bishkek qalasyna jóneltildi. Sonymen qatar, Qazaqstannyń atynan Qyrǵyz eline otandyq vaksına jóninde maǵumat berý úshin birqatar ǵalymdar men mamandar da attandy.

QazVac vaksınasy bul kúnde elimizde ǵana emes, birqatar memleketterde de suranysqa ıe bolyp otyrǵan otandyq sapaly ónim. Jahandy sharpyǵan koronavırýs indetine qarsy vaksına eń birinshi adam ómirin arashalap qalýdyń tóte ári tıimdi joly bolyp otyr. Bul oraıda, mamandar da otandyq vaksınanyń tıimdiligi men atalǵan ınstıtýttyń aldaǵy josparlary jóninde áńgimeledi. «QazVac vaksınasy Bilim jáne ǵylymı mınıstrligi qarjylandyrǵan ǵylymı-tehnıkalyq baǵdarlama aıasynda ázirlenip, óndirilgen. Otandyq vaksınanyń ázirlený tehnologııasy bizdiń ǵalymdardyń asa qajyrlylyqpen eńbek etýi jáne ozyq ǵylymı tájirıbelerin qoldaný arqyly júzege asyryldy. QazVac vaksınasy elimizdiń Densaýlyq saqtaý mınıstrliginiń saraptamasy men baqylaýynan tolyq ótken. Búgingi kúni Bıologııalyq qaýipsizdik problemalarynyń ǵylymı-zertteý ınstıtýtynan SK-Farmasııa qoımalaryna QazVac vaksınasynyń 300 myńǵa jýyq dozalary jóneltilgen. Koronavırýstyq ınfeksııadan jaqyn ýaqytta qutylýǵa jáne pandemııalyq jaǵdaıdan burynǵy turmys-tirshilik jaǵdaıyna tezirek qaıtýǵa tek qana vaksına qoldaný men sanıtarlyq-gıgıenalyq talaptardy tolyq saqtaý arqyly ǵana jetemiz», deıdi Bıologııalyq qaýipsizdik problemalarynyń ǵylymı-zertteý ınstıtýtynyń bas dırektory Kúnsulý Zakarıa. Sonymen qatar, memlekettiń qoldaýymen salynyp jatqan joǵary tehnologııaly zaýyt qyrkúıek aıynda QazVac vaksınasynyń óndiristik serııalaryn shyǵaratyn bolady. Sondaı-aq, otandyq QazVac vaksınasyn óndirý jumystary búginde Úkimet qadaǵalaýynda tur eken.

Al, Bıologııalyq qaýipsizdik problemalarynyń ǵylymı-zertteý ınstıtýty bas dırektorynyń orynbasary Erǵalı Ábdiraıymov otandyq vaksına sáýir aıynan bastap qoldanysta ekenin, onyń sapasynyń joǵary ekenin aıtty. «QazVac vaksınasy búgingi tańda jaqsy kórsetkishterge ıe bolyp otyr. Atalǵan vaksına óte qysqa merzimde bizdiń ǵalymdardyń erliginiń arqasynda jasaldy. Vaksına búginde úsh fazalyq synaqtan ótken. Birinshi fazasynda 44 adam, ekinshi fazasynda 200 adam jáne úshinshi fazasynda 3000 adam ótti. Úshinshi fazadaǵy synaqtar Almaty jáne Taraz qalalarynda uıymdastyryldy. Otandyq vaksınamyz Dúnıejúzilik densaýlyq saqtaý uıymynyń da tizimine enip, ózge elderdiń de suranysyna ıe bolýda», deıdi ol. Búginde otandyq vaksınany daıyndaý barysynda kóptegen ǵalymdardyń eńbegin kórýge bolady. Áýeli adam ómirin qutqaryp qalýdy maqsat etken mamandar kúni-túni eńbek etýde. Bul rette Bıologııalyq qaýipsizdik problemalarynyń ǵylymı-zertteý ınstıtýty tehnologııalar jáne bıopreparattardy zertteý zerthanasynyń zerthana meńgerýshisi Aınur Nurpeıisova QazVac vaksınasy adamdarǵa synaq júrgizbesten buryn laborotorııalyq janýarlarda klınıkaǵa deıingi synaqtan ótkizilgenin jetkizdi. Onyń ishinde atjalmandar, aq tyshqandar, teńiz shoshqasy jáne adamǵa aǵzasy uqsas maımyldar bar eken. Vaksınanyń qaýipsizdigi dáleldengennen keıin ǵana adamdarǵa salyna bastaǵan. Bul kúnde Bıologııalyq qaýipsizdik problemalarynyń ǵylymı-zertteý ınstıtýtynda 200-den astam ǵalymdar jumys isteıdi. Olar otandyq óndiristi damytýǵa úles qosyp keledi. Ǵalymdar aldaǵy ýaqyttarda da ózge elderge qajetti kómekti kórsetýge bolatynyn, ol úshin memlekettiń qoldaýy bar ekenin de atap ótti.

 

Jambyl oblysy,

Qordaı aýdany

Sońǵy jańalyqtar

Sport jańalyqtaryna sholý

Sport • Búgin, 09:11

Bárimiz bir aspannyń astyndamyz

О́ner • Búgin, 09:10

Sýretshiler úıi ashyldy

Aımaqtar • Búgin, 09:08

Bal bulaq bolyp aqty

Aımaqtar • Búgin, 09:07

Ońaılyqpen em qonbaıdy

Medısına • Búgin, 09:05

Bárekeldi, Vıktorııa!

Sport • Búgin, 09:02

Taı elinde qola medal buıyrdy

Sport • Búgin, 09:00

Seısenbige arnalǵan aýa raıy boljamy

Aýa raıy • Búgin, 08:57

Mazmun men sapaǵa mán berilse

Bilim • Búgin, 08:55

Atyraý oblysy «sary» aımaqqa ótti

Koronavırýs • Búgin, 08:54

Salada sheshimin tabar is kóp

Bilim • Búgin, 08:52

Qamba toldy astyqqa...

Aımaqtar • Búgin, 08:49

Barlyq salada ósim bar

Aımaqtar • Búgin, 08:47

Erekshe balalardy elegender

Aımaqtar • Búgin, 08:43

Biligin shyńdaǵan isten jańylmas

Aımaqtar • Búgin, 08:41

Ornyqty damý kórinisi

Qazaqstan • Búgin, 08:33

1387 adamnan koronavırýs anyqtaldy

Koronavırýs • Búgin, 08:22

Aldyn alsa, qaterli isik emdeledi

Medısına • Búgin, 08:18

Rýhanı qazynanyń qaınary

Qazaqstan • Keshe

Bala súıý – baqyt

Qoǵam • Keshe

Antoshka men Chýnga-Changa

О́ner • Keshe

Aǵa-dosty ańsaý

О́ner • Keshe

Atyraýsha aqsha «asaý»

Aımaqtar • Keshe

Mızamshýaq

Fotogalereıa • Keshe

Uqsas jańalyqtar