Aımaýytovtyń jazyǵy ne?..

Oblystyń burynǵy ákimi alashtyń ardaqtysy Júsipbek Aımaýytovqa eskertkish ornatpaq bolyp, qarjy qarastyrǵan eken.

Oblystyń burynǵy ákimi alashtyń ardaqtysy Júsipbek Aımaýytovqa eskertkish ornatpaq bolyp, qarjy qarastyrǵan eken.

Qup delik. Qýanyshty jaǵdaı. Jurtshylyq, qazaq qaýymy kútip júr. Laıyqty tulǵa.

Qazaq ádebıetiniń negizin qa­laý­shylardyń biri, jazýshy, dra­matýrg aǵamyz kezinde «Halyq jaýy» atanyp, atyldy. Elimizdiń bas gazeti «Egemen Qazaqstan» sheji­resinde 1919-1938 jyldary gazet «Ushqyn», «Eńbek týy», «Eń­bekshil qazaq», «Eńbekshi qazaq», «Sosıaldy Qazaqstan», «So­sıalıstik Qa­zaq­­stan» atalǵan shaqtarda Sma­ǵul Sádýaqasov, Muhtar Áýe­zov, Beıimbet Maılın, Sáken Seıfýllın sııaqty Jú­sipbek Aımaýytov ta basshylyq jasa­ǵany aıtylady. 1918-19 jyldary Semeıde Muhtar Áýezovpen birlesip «Abaı» jýrnalyn shyǵardy. Eskertkish Júsipbek Aımaýytov atyndaǵy oblys­taǵy mýzykalyq-drama teatrynyń aldynan oryn alýy tıis-ti.

Alaıda, jýyrda ótken oblys­tyq máslıhattyń sessııasy jekelegen áleýmettik máselelerdiń basymdylyǵy men birinshi kezek­tilik sıpatyn eskere otyryp, ba­sym­dylyǵy joq shyǵyndardy, olardyń qatarynda quny 60 mıllıon teńgege baǵalanǵan Aıma­ýytovtyń eskertkishi de bar, qys­qartýǵa sheshim qabyldady.

«Qara halyqtyń mádenıetti bolýynan mádenıetti kisiniń qazaq bolýy qıyn, qazaqqa zor keýde aqsúıektiń, aqsha jegish jaltyraýyq sheneýniktiń, sulý sózdi, qurǵaq bektiń keregi joq...» dep jazǵan edi Aımaýytovtyń ózi. Aqsha ýys-ýys shashylyp jatpasa, osy joly úndemeı-aq qalar edik.

Olaı bolsa, Aımaýytovqa kel­gende bılik basyndaǵylardyń únemshil bola qalǵany qalaı?!

Aımaýytovtyń jazyǵy ne? Aı­maýytov qazaq úshin qymbat. Oblystyq más­lıhat­taǵylar osyny oılady ma eken?!

Farıda BYQAI,

«Egemen Qazaqstan».

PAVLODAR.