Tájikstan basshysynyń ápkesin koronavırýstan emdeý úshin Germanııadan, Reseıden jáne О́zbekstannan mamandar shaqyryldy.
Ishki ister mınıstrligi men Densaýlyq saqtaý mınıstrliginiń derekkózderiniń habarlaýynsha, Rahmonovanyń óliminen eki saǵat buryn sheteldik sarapshylar tájik dárigerleri «naýqasqa qate em jasaǵan» dep málimdegen.
«Kýrbonbı Rahmonovanyń balalary Fahrıddın, Farrýh jáne Zıedalı Safarovtar analary qaıtys bolǵannan keıin dárigerlerge jáne qazirgi medısınalyq qyzmetkerlerge shabýyl jasaǵan. Olardy tek prezıdenttiń úlken uly Rýstam Emomalı ǵana tynyshtandyra alǵan», dep jazylǵan derek kózde.
Kýrbonbı Rahmonova 20 shildede memleket basshysynyń atqarý keńsesi janyndaǵy medısınalyq ortalyqta qaıtys boldy.
Densaýlyq saqtaý mınıstrliginiń basshysy Djamolıddın Abdýllozoda men medısınalyq ortalyqtyń basshysy Holmahmad Rahımzoda basynan jaraqat alǵan. Basqa dárigerler jeńil jaraqattanǵan.
Prezıdenttiń ápkesi qaıtys bolǵannan keıin Ishki ister mınıstrligi tekserýdi bastady, biraq ázirge eshkim ustalǵan joq.
