Nıý-Iorkte Qazaqstan Respýblıkasynyń Birikken Ulttar Uıymy janyndaǵy Turaqty ókili Qaırat Ábdirahmanov Birikken Ulttar Uıymynyń Bas hatshysy Pan Gı Mýnǵa Senim gramotasyn tapsyrdy.
Nıý-Iorkte Qazaqstan Respýblıkasynyń Birikken Ulttar Uıymy janyndaǵy Turaqty ókili Qaırat Ábdirahmanov Birikken Ulttar Uıymynyń Bas hatshysy Pan Gı Mýnǵa Senim gramotasyn tapsyrdy.
Kezdesý barysynda áńgimelesýshi taraptar jahandyq kún tártibiniń ózekti máselelerin, BUU-nyń halyqaralyq máselelerdi sheshýdegi róli jáne Qazaqstannyń osy úderiske qosyp jatqan úlesin talqylady.
Q.Ábdirahmanov Qazaqstannyń BUU-men kedeılikti joıý, áıelderdiń rólin nyǵaıtý jáne olardyń quqyqtaryn qorǵaý, memlekettik-jeke áriptestikti damytý, jańa jumys oryndaryn qurý, klımattyń ózgerýi, jappaı qyryp-joıý qarýyn taratpaý sııaqty Bas hatshy tarapynan belgilengen máseleler boıynsha birlesken jumysty jalǵastyrýǵa ázirligin bildirdi.
Bizdiń elimiz Turaqty damý maqsattaryn jáne Myńjyldyqtyń damý maqsattaryn ázirleýge belsene qatysýda. Qazaqstan Myńjyldyqtyń damý maqsattarynyń oryndalýy týraly halyqaralyq qoǵamdastyq aldynda alǵashqy bolyp esep berdi. Atap aıtqanda, kedeılikti azaıtý, bastaýysh bilim alý men orta bilim salasyndaǵy genderlik teńdikke qol jetkizý.
Iаdrolyq qarýdy taratpaý jáne energetıkalyq, sý, azyq-túlik qaýipsizdigi máseleleri Qazaqstannyń júzege asyryp jatqan 2017-2018 jyldardaǵy BUU Qaýipsizdik keńesiniń turaqsyz múshe ornyna saılaný naýqanynyń kún tártibinde tur.
Qazaqstan BUU-nyń ártúrli organdarynyń jumystaryna belsene qatysyp, 2014 jyldan bastap BUU ekonomıka men áleýmettik keńesiniń, esirtki zattary jónindegi komıssııanyń, BUU Úılestirý keńesiniń VICh/SPID baǵdarlamasynyń jáne IýNESKO-nyń dúnıejúzilik murasy komıtetiniń múshesi bolyp tabylady.
«Egemen-aqparat».
