«Qyzyl» mártebemen qydyryp júrgender kóp

«Bazarlarda naýqastardyń 16%-y juqtyrady, ınfek­sııa­nyń 19%-yn otbasylardaǵy baı­lanystar taratyp otyr. Úıge ınfeksııa ákelgen adamdar «úı oshaqtary» dep atala­dy, balalardy da, úlken týys­t­aryn da juqtyrady. Men jyl basynda balalar ara­­syn­da aýrý órshıtinin aıt­qan­myn, biraq kópshilik kúmán­men qara­dy. Eger ótken jyly barlyǵy 280 oqýshy aýyrsa, bıyl 5 700 bala indetke shal­dyqty. Bıyl 1 jasqa deıingi 200-deı balany vırýs juqtyr­ǵany anyqtaldy», dedi J.Bek­shın.

Almatyda da sońǵy eki aptada vırýs balalar men jas­tar arasynda beleń alǵan. 14 jas­qa deıingi balalardyń úles salmaǵy 1%-ǵa ósip, joǵary deń­geıi 14%-dy quraıdy. 40 pen 59 jastaǵy naýqastanǵan azamat­tardyń úles salmaǵy da joǵary deńgeıde – 25%.

Qalanyń 2 500-den asa nysanynda jumys istep turǵan Ashyq júıesiniń tıimdiligi bar. Qalada karantın rejimin buz­ǵany úshin «qyzyl» mártebeli 80 turǵynǵa aıyppul salynyp, olardyń aty-jóni Sanıtarlyq-epıdemıologııalyq baqylaý departamentiniń resmı saıtynda da jarııalandy.

Almatyda ótken aptada 14 kún boıy karantın shekteý­lerin saqtaýǵa tıis 200-den asa adam qoǵamdyq tamaqtaný nysan­daryna barýǵa jáne eli­mizdiń basqa óńirlerine ushýǵa tyrysqan.

QR-kodty Ashyq júıesi arqyly skanerleý kezinde qoǵam­dyq tamaqtaný oryn­daryn­da «qyzyl» 94 alma­tylyq jáne «sary» 24 alma­ty­lyq anyqtaldy. Bular dámhana men meıramhanalarǵa kirýge tyrysty.

«Nelikten biz qoǵamdyq ta­maq­taný oryndaryna barý ýaqytyn shektedik? Bul qala turǵyndarynyń bir-birimen uzaq ýaqyt baılanysta bolyp, 5-6 saǵat meıramhana men dámhanalarda bolýyna baılanysty. Túngi klýbtarda tań atqanǵa deıin kelýshiler bar. Eger mekeme tapsyrys boıynsha jumys istese, bul basqa máse­le», deıdi J.Bekshın.

Tórtinshi orynda fıtnes-ortalyqtary tur, sondaı-aq bes kınoteatr jabyldy.

Sonymen qatar J.Bekshın kásipkerler qataryndaǵy Ashyq jobasynyń barlyq qa­ty­sý­shysy kelýshilerdi tekserý­ge jaýapkershilikpen qa­ramaı­ty­nyn aıtty. Tekserý qory­tyn­dysy boıynsha jobadan 300 qatysýshy kásipker shyǵa­ryldy. Mekemege kirgen kezde kelýshilerdiń QR-kod­taryn skanerleý júzege asy­ryl­maǵany úshin jobaǵa kir­meýi de múmkin.

Bas sanıtarlyq dári­ger jobanyń adal qatysýshy­lary­na alǵysyn bildirdi. Ká­sip­kerlerdiń zań buzýshy­lyq­tary anyqtalǵan jaǵdaıda Ashyq júıesinen shyǵaryp qana qoı­maı, nysannyń jumy­syn toqtatady.

Karantındi qasaqana buzý­shylarǵa qatysty qatań sharalar qabyldanyp jatyr. Jı­nal­ǵan materıaldardy sa­nı­tarlyq dárigerler qyz­metin toqtatý úshin sottarǵa beredi. Bıyl barlyǵy 75 materıal berilip, 65-i boıynsha sheshim qabyldandy.

ALMATY