Keshegi kúngi jaǵdaı boıynsha koronavırýstyq ınfeksııanyń 1450 jańa jaǵdaıy tirkelgen. Onyń 1345-inde sımptomdyq belgileri bar jáne 105-i sımptomsyz bolyp tabylady. Barlyq emdelip shyǵarylǵandardyń sany – 301, kelip túskenderi – 522. Búginde ınfeksııalyq stasıonarlarda (6 265 tósek-oryn) jalpy sany 4 148 adam (onyń ishinde 215 balalar) emdelýde.
Almaty qalasy Qoǵamdyq densaýlyq basqarmasy
baspasóz qyzmetiniń deregi boıynsha, jalpy reanımasııa jáne qarqyndy terapııa bólimshesinde – 281, О́JJ – 27, ınvazıvti emes О́JJ – 121, High flow-da 98 apparattar jumys isteıdi. Búgingi tańda BMSK men Telemedısına ortalyǵy dárigerleriniń baqylaýynda 8 133 naýqas baqylaý jatyr. Olardyń ishinde jeńil jáne ortasha aýyr jaǵdaıda – 7660, sımptomsyz 473 naýqas bar.
Vaksınasııa boıynsha búgingi aqparatqa súıensek, Almaty qalasy boıynsha bir táýlik ishinde 7 707 adam vaksına aldy.
Birinshi shildeden kúni keshege deıin qala boıynsha 1-komponentti 698 418 adam vaksınasııalandy. Vaksına alǵandardyń jalpy sanynan 60 jastan asqan qart kisiler 97 186 adamdy quraıdy. 28 shilde kúni jalpy sany 4 995 doza qazaqstandyq QazVac vaksınasy alyndy.
Búgingi tańda Almatyda medısınalyq uıymdarda, mektepterde, mádenıet, sport obektilerinde, bazarlarda jáne qalanyń SOSO-da 212 vaksınasııa pýnkti jumys isteıdi. 308 vaksınasııa brıgadasynda 1 260 medısına qyzmetkerleri jumyldyrylǵan.
