«Qazaqstan óziniń ulttyq jobalary men brendin damytýy tıis, osy qundylyqtar arqyly Qazaq eliniń tanymaldylyǵy artady. Bul halyqtyń rýhyn kóterip, qazaqstandyq biregeılikti aıqyndaıtyn ulttyq dástúrlerdi jańǵyrtýda el turǵyndaryn birigýge kómektesedi», dedi keńeste E.Toǵjanov.
Premer-Mınıstr orynbasarynyń aıtýynsha, qazirgi ýaqytta «Rýhanı jańǵyrý» baǵdarlamasyn ulttyq jańǵyrý kezeńine kóshirý jónindegi jol kartasy iske asyrylyp jatyr. Qazaqstannyń tarıhı-mádenı murasy tarıhı estelikterge baı zııatkerlik jáne rýhy joǵary qoǵamdy qalyptastyrý men damytýdyń pármendi tetigi bola alady.
«Qazaq kúresin» jappaı damytý on jyl buryn «Qazaqstan Barysy» jobasyn júzege asyrýdan bastaldy. Tanymaldyq deńgeıiniń artýy «Álem barysy» jáne «Eýrazııa barysy» sekildi halyqaralyq is-sharalarda baıqalýda. Búgin «Qazaqstan barysy» halyq ónerin jandandyrý jáne ulttyq oıyndardy nasıhattaý boıynsha ózindik saıys túri bolyp qalyptasty. Jyl saıyn týrnırge 9 myńnan astam jankúıer, 2 mln-nan astam kórermen qatysady. Bul joba halyqtyń zor qoldaýyna ıe boldy», dep jazady vedomstvo saıty.
Kún tártibindegi ekinshi másele qazaqy Qazanat jylqy tuqymyn damytýǵa qatysty boldy. Atalǵan tuqymdy qalpyna keltirý men saqtaý boıynsha jol kartasy ázirlengen.
Sonymen qatar, «Patshalyq jylqylar qorajaıy» («Sarskaıa konıýshnıa») ǵımaratyn tarıhı eskertkishter men mádenıettiń memlekettik tizimine qosý týraly sóz boldy. Qazanat tuqymyndaǵy jylqylardy asyl tuqymdyq synaý júıesin engizý týraly da aıtyldy.
