Kórneki sýret
J.Bekshınniń aıtýynsha, sońǵy aptada Almatyda KVI juqtyrý kórsetkishi saýda nysandarynda – 35%, otbasylyq baılanys arqyly – 19%, qoǵamdyq kólikte qatynaý barysynda – 16%, bazarlarda – 14%, saıabaq pen jaıaý júrginshiler kóshelerinde 3,6%-dy qurap otyr.
Sonymen qatar týystarmen jáne kórshilermen baılanys kezinde juqtyrǵan KVI ınfeksııasy 0,2–0,4%-ǵa ósti. Oramishilik azyq-túlik emes dúkenderde – 0,1%-ǵa jáne qoǵamdyq tamaqtaný nysandarynda, meıramhanalarda, dámhana men ashanalarda – 0,2%-ǵa, monsha men saýnalarda – 0,4%-ǵa óskeni baıqaldy.
«Ashyq» jobasyna qatysýshy nysandarda juqtyrýshylardyń úles salmaǵy 106-dan 186 adamǵa deıin artqan. Bul nysandardyń kireberisindegi baqylaý jumysynyń nasharlyǵyn kórsetedi. Osyndaı árekettiń saldarynan HQKO-da - 16, saýnalarda, basseın men fıtnes-ortalyqtarda - 11, meıramhanalarda, kafelerde - 8 jáne banket zaldarynda 5 adamnyń vırýs juqtyrǵany anyqtalǵan.
Bas sanıtarlyq dárigeri almatylyqtarǵa mindetti túrde betperde taǵýdy, jumys bólmesin, úı-jaılardy únemi jeldetip otyrýdy, adam kóp jınalatyn oryndarǵa barmaýdy eskertti. Infeksııaǵa kúdik týyndaǵan jaǵdaıda birden dárigerdiń kómegine júginip, basqa adamdarǵa juqtyrmaý úshin shekteý sharalaryn saqtaý qajet.
