Klımattyq jaǵdaılarǵa baılanysty bıyl Qazaqstannyń Soltústik, Aqtóbe jáne Shyǵys Qazaqstan oblystarynda shalǵyn kóbeleginiń jappaı kóbeıý qaýpi ósip otyr.
Mınıstrlik tarapynan osy zııandy organızmniń naqty taralý ortasyn anyqtaý úshin qajetti fıtosanıtarııalyq tekserýler júrgizildi.
Búgingi tańda 306,59 myń gektar jer zerttelip úlgerdi. Jalpy taralý aýdany 16,979 myń gektardy quraıdy.
Aýyl sharýashylyǵy mınıstriniń mindetin atqarýshy E. Qarashókeevtiń tapsyrmasy boıynsha Agroónerkásip keshenindegi memlekettik ınspeksııa komıtetiniń tóraǵasy A. Mars Aqtóbe oblysyna shalǵyn kóbelegine qarsy kúres jáne qorǵaý sharalaryn júrgizý boıynsha, jumystardy uıymdastyrý jáne qajetti basqarýshylyq sheshimder qabyldaý úshin is-saparǵa jiberildi.
AО́K damytýdyń 2017-2021 jyldarǵa arnalǵan memlekettik baǵdarlamasy aıasynda, aýyl sharýashylyǵy taýaryn óndirýshiler men bıznes ókilderiniń bastamalaryna sáıkes, 2020 jyldan bastap shalǵyn kóbelegine qarsy qorǵaý sharalaryn júrgizý jónindegi jaýapkershilik pestısıdter qunynyń shyǵyndaryn 50%-ǵa deıin óteý úshin sýbsıdııalar bere otyryp, jergilikti atqarýshy organdardyń quzyretinen, aýyl sharýashylyǵy taýaryn óndirýshilerdiń quziretine berilgen.
Bıyl pestısıdterdi sýbsıdııalaýǵa jalpy 32,3 mlrd.teńge, onyń ishinde Aqtóbe oblysyna 545,8 mıllıon teńge bólingen. Tehnıkalyq qaıta jaraqtandyrý boıynsha ınvestısııalyq sýbsıdııalar berý aıasynda sharýa jáne fermerlik qojalyqtarǵa ósimdikterdi qorǵaý quraldaryn engizý boıynsha búrikkishterdi arzandatý úshin ózdiginen júretin búrký tehnıkasy qunynyń 50%-yna deıin sýbsıdııalaý kózdelgen, sondaı-aq traktorlardyń quny arzandatylatyn bolady.
Otandyq óndiris traktorlary boıynsha qunynyń 30%-yna deıin, ımporttyq óndiris úshin 25%-yna deıin sýbsıdııalaý kózdelgen.
«Qazirgi ýaqytta Aqtóbe oblysynyń ákimdigi 2,2 myń gektar alańda hımııalyq óńdeý júrgizýge qarjy bóldi. Is-sharalardy júrgizý tıimdiligi joǵary búrikkish tehnıka-gaz generatorlaryn paıdalaný arqyly júzege asyrylady», dep jazylǵan habarlamada.
