«2021 jylǵy 30 shildedegi jaǵdaı boıynsha Qyrǵyz Respýblıkasy tarapynan «Qarasý» ótkizý pýnktindegi júk avtokólik quraldarynyń sany 50-80 birlikti qurady. Bul jemis-kókónis ónimderiniń pisetin maýsymyn eskere otyryp, kórsetilgen ótkizý pýnkti úshin shtattyq jaǵdaı bolyp tabylady», dep túsindirdi QR Qarjy mınıstrligi Memlekettik kirister komıteti baspasóz qyzmeti.
Qazaqstan-qyrǵyz shekarasyndaǵy ótkizý pýnktteri shtattyq rejımde jumys isteıdi, Memlekettik kirister organdarynyń aqparattyq júıeleri de tolyq kólemde jumys istep tur.
«Orta eseppen bir táýlik ishinde Qazaqstan Respýblıkasynyń aýmaǵyna Qyrǵyz Respýblıkasynan 300-350 avtokólik quralymen taýarlar jetkiziledi», delingen habarlamada.
