Memorandým Qazaqstannyń metallýrgııa ónerkásibiniń turaqty damýyn qamtamasyz etedi, sondaı-aq áleýmettik, ekologııalyq, eńbek jáne ekonomıkalyq salalardaǵy ósýdi kózdeıdi.
Memorandým sharttary boıynsha «ArselorMıttal Temirtaý» ózin jańǵyrtýǵa ınvestısııalardy edáýir ulǵaıtady, onyń ınvestısııalyq kelisimshart sheńberindegi jıyntyq kólemi aldaǵy 10 jyl ishinde keminde $3 mlrd quraıdy, bul rette osy somanyń kóp bóligi kelisim qoldanylatyn alǵashqy bes jylda ınvestısııalanatyn bolady.
Qujatqa sáıkes «ArselorMıttal Temirtaý» AQ qyzmeti halyqtyń densaýlyǵyn jáne áleýmettik turaqtylyǵyn odan ári jaqsartýǵa, sondaı-aq ónerkásiptik qaýipsizdikti qamtamasyz etýge, qorshaǵan ortany jáne ekologııany saqtaýǵa baǵyttalatyn bolady.
Koks hımııasy jáne domna óndirisinde, konverter sehynda jáne prokat sehtarynda kúrdeli jóndeý júrgizý, №1 jáne №2 JEO qazandyqtaryn aýystyrý jáne jóndeý, jańa koks batareıalaryn salý jáne iske qosý jáne basqa da is-sharalardy júrgizý josparlanýda.
Sondaı-aq, «ArselorMıttal Temirtaý» AQ táýelsiz sarapshylardy tarta otyryp, óziniń barlyq óndiristik sıklin qaýipsiz, ekologııalyq, áleýmettik turaqtylyq máninde aýqymdy taldaý júrgizýdi uıymdastyrady, sonyń negizinde taraptar atalǵan salalardy odan ári damytý jónindegi baǵdarlamalardy kelisedi.
Memorandým jasasý aldynda eki tarap ókilderiniń kezdesýi bolyp ótti, onda ózekti máseleler boıynsha ózara is-qımyl algorıtmi talqylandy, sondaı-aq óndiristi jańǵyrtý jónindegi Jol kartasyna qol qoıyldy.
Jalpy memorandýmǵa qol qoıý taraptarǵa ózara is-qımyldy sapaly jańa deńgeıge shyǵarýǵa, «ArselorMıttal Temirtaý» AQ óndiristik prosesteriniń qaýipsizdigin jaqsartýǵa, ekologııalyq qaýipsizdik talaptarynyń qaǵıdattaryn saqtaýǵa múmkindik beredi.
