Aımaqtar • 02 Tamyz, 2021

Ashyq «kóshbasshylarynyń» jańa tizimi jarııalandy

36 ret kórsetildi

Almatyda Ashyq «kóshbasshylary» men «aýtsaıderleriniń» jańa tizimi jarııalandy, dep habarlaıdy Egemen.kz.

Almatydaǵy Ashyq jobasy jaqsy jumys istep tur deýge bolady.

Almaty qalalyq Kásipkerler palatasynyń dırektory Aıtýar Qoshmambetovtiń aıtýynsha, bıznes qaýymdastyǵy indetti aýyzdyqtaý úshin barlyq múmkindikti paıdalanady. Ashyq-pen jumys istegisi keletinderdiń sany kún saıyn artyp otyr. Eger maýsymnyń basynda 1700 qatysýshy bolsa, búginde olardyń sany 6419-ǵa jetti.

Aıtýar Qoshmambetov Almatyda jeke kásipkerlerdiń 37 paıyzdan astamy jobaǵa qosylǵanyn aıtty. Ádette, qoǵamdyq tamaqtaný men qonaq úılerdiń ıeleri barynsha belsendilik tanytýda.

«Biz jobaǵa eń kóp qatysýshyny tirkegen qyzmettiń TOP-5 túrin anyqtadyq. Bul – 22 242 qoǵamdyq tamaqtaný obektisi, 1 117 bazar, SOSO, saýda ortalyqtary, 835 sulýlyq salony, shashtaraz, 491 balalardy saýyqtyrý ortalyǵy jáne ıoga ortalyqtaryn qosqanda 426 fıtnes-klýb», dedi Almaty qalalyq Kásipkerler palatasynyń basshysy.

Ashyq jobasynyń tıimdiligine qaramastan, keıbir kásipkerler kelýshilerdi skanerleýde jaýapsyzdyq tanytady. Qazirdiń ózinde 900-den astam aýtsaıderler bar.

«30 shildede biz ákimdiktiń saıtyndaǵy tizimderdi jańarttyq, onda jaýapsyz qatysýshylar da, joba kóshbasshylary da kórsetilgen. Ashyq jobasynda barlyǵy 152 kóshbasshysy bar. Biz barlyq aqparatty apta saıyn Aqparat jáne sıfrlyq damý mınıstrliginen alamyz», dedi A. Qoshmambetov.

Almaty qalasyndaǵy Ashyq jobasy kóshbasshylarynyń tizimi - https://www.gov.kz/memleket/entities/almaty/documents/details/197689?lang=kk

Almaty qalasyndaǵy Ashyq jobasyna erikti qatysýshylarynyń tizimi – https://www.gov.kz/memleket/entities/almaty/documents/details/197690?lang=kk

Ashyq jobasynan shyǵarylǵan jaýapsyz qatysýshylardyń tizimi - https://www.gov.kz/memleket/entities/almaty/documents/details/197691?lang=kk

«Eger jobaǵa qatysýshylar óz mindettemelerin oryndamasa, olar shyǵarylady jáne preferensııalarmen jumys isteý múmkindiginen aıyrylady. Eki aptanyń nátıjesi boıynsha Almatydan 61 qatysýshy jobadan shyǵaryldy»,dedi A. Qoshmambetov.

Epıdemıologtardyń málimeti boıynsha, Almatyda Ashyq skanerleýiniń arqasynda ózin-ózi oqshaýlaý rejımin buzǵan 170 adam anyqtaldy. Olardyń barlyǵy ákimshilik jaýapkershilikke tartyldy.

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar