Qamshybek Qońqabaev: Bar kúshimdi kelesi jekpe-jekke jumsaımyn

– Áli de bolsa jekpe-jek­terime kóńilim tolmaı jatyr. Birinshi kezdesýde soqqy­larymdy 100 paıyz daryta almadym. Jeńis úshin bar kúsh-jigerimdi saldym. Qarsylasym da osal emes edi, fızıkalyq turǵydan myqty ári boıshań. Soqqylarymnyń barlyǵy bir­deı dittegen jerge tıgen joq, – degen Qamshybek kele­si qarsylasynan da basym túsý ońaı bolmaǵanyn aıtty. – Ivan Verıasov ta osal emes edi. Reseılik boksshymen sparrıngtik kezdesýler ótkiz­genmin, biraq jarys kezinde bári de basqasha boldy. Birinshi raýnd oıdaǵydaı ótti. Ekinshi raýndtan bastap qatelikterge boı aldyrdym. Bolar is boldy, bas­tysy – jartylaı fınaldamyn. Endi osy olqylyqtardyń ornyn toltyrýǵa tyrysamyn. Kelesi qarsylasymdy bilemin, biraq kezdespegenmin. Endi bar oıym men kúshimdi kelesi jekpe-jekke jumsaımyn. Kópshiligi meni О́zbekstan namysyn qor­ǵaı­tyn Bahador Jalolovpen fı­nalda kezdesedi dep sanaıdy. Biraq fınalǵa deıin bir kez­desý bar. Men úshin árbir qar­sylas myqty. Sebebi bul Olım­pıada. Biraz jigittiń jarysty aıaq­ta­ǵany da janymyzǵa batyp, kó­ńil kúıimizdi túsirdi. Dese de, eli­mizdi qýantýǵa daıynbyz, bar kúshi­mizdi salamyz, – dedi Qamshybek.