2013 jylǵy 30 qyrkúıek, Astana qalasy
«Bıootyn óndirýshisimen óndiris pasportyn ázirleý jáne bekitý erejesin bekitý týraly» Qazaqstan Respýblıkasy Aýyl sharýashylyǵy mınıstriniń m.a. 2011 jylǵy 28 aqpandaǵy №11-2/94 buıryǵyna ózgeris engizý týraly
«Normatıvtik quqyqtyq aktiler týraly» 1998 jylǵy 24 naýryzdaǵy Qazaqstan Respýblıkasy Zańynyń 43-1-baby 1-tarmaǵyna jáne «Zańdy tulǵalardy memlekettik tirkeý jáne fılıaldar men ókildikterdi eseptik tirkeý týraly» 1995 jylǵy 17 sáýirdegi Qazaqstan Respýblıkasy Zańynyń 6-1-babyna sáıkes buıyramyn:
1. «Bıootyn óndirýshisimen óndiris pasportyn ázirleý jáne bekitý erejesin bekitý týraly» Qazaqstan Respýblıkasy Aýyl sharýashylyǵy mınıstriniń m.a. 2011 jylǵy 28 aqpandaǵy №11-2/94 buıryǵyna (Normatıvtik quqyqtyq aktilerdi memlekettik tirkeý tiziliminde №6854 tirkelgen, «Egemen Qazaqstan» gazetinde 2011 jylǵy 26 mamyrdaǵy №221 (26619) jarııalanǵan) mynadaı ózgeris engizilsin:
kórsetilgen buıryqpen bekitilgen Bıootyn óndirýshisimen óndiris pasportyn ázirleý jáne bekitý erejesine 2-qosymsha osy buıryqqa qosymshaǵa sáıkes jańa redaksııada jazylsyn.
2. Qazaqstan Respýblıkasy Aýyl sharýashylyǵy mınıstrliginiń Qaıta óńdeý jáne agrarlyq azyq-túlik naryǵy departamenti osy buıryqtyń zańnamada belgilengen tártippen Qazaqstan Respýblıkasynyń Ádilet mınıstrliginde memlekettik tirkelýin jáne onyń buqaralyq aqparat quraldarynda resmı jarııalanýyn qamtamasyz etsin.
3. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Mınıstr A.MAMYTBEKOV.
Qazaqstan Respýblıkasy Aýyl sharýashylyǵy mınıstriniń
2013 jylǵy 30 qyrkúıektegi № 5-3/462 buıryǵyna qosymsha
Bıootyn óndirýshisimen óndiris pasportyn ázirleý jáne bekitý erejelerine 2-qosymsha
Nysan
Ataýly kartochka
___________________________________________________
(zańdy tulǵanyń ataýy)
Bıootyn óndirýshisiniń tolyq jáne qysqartylǵan ataýy
Birinshi basshy (laýazymy, tegi, aty, ákesiniń aty (bolǵan jaǵdaıda), telefon jáne faks nómiri, tolyq)
Bıootyn óndirýshini memlekettik tirkeý (qaıta tirkeý) týraly kýáliktiń* nemese anyqtamanyń nómiri jáne berilgen kúni, kýálikti bergen organnyń ataýy
Bıootyn óndirýshiniń bıznes-sáıkestendirý nómiri
Bıootyn óndirýshisiniń ornalasqan mekenjaıy
Bıootyn óndiretin zaýyttyń ornalasqan mekenjaıy
Temirjol derektermeleri
Qyzmet kórsetetin bank, esep aıyrysý shoty, jeke sáıkestendirý kody
Eskertpe: * «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» 2012 jylǵy 24 jeltoqsandaǵy Qazaqstan Respýblıkasynyń Zańy qoldanysqa engizilgenge deıin zańdy tulǵany (fılıaldy, ókildikti) memlekettik (eseptik) tirkeý (qaıta tirkeý) týraly kýálik zańdy tulǵanyń qyzmeti toqtatylǵanǵa deıin qoldanysta bolady.
Buıryq Qazaqstan Respýblıkasynyń Ádilet mınıstrliginde 2013 jylǵy 19 qazanda Normatıvtik quqyqtyq kesimderdi memlekettik tirkeýdiń tizilimine №8831 bolyp engizildi.
