Sarapshylardyń aıtýynsha, birinshi toqsanda elimizde jyljymaıtyn múlikke qatysty jasalatyn operasııalar boıynsha qyzmetter kólemi 268,1 mıllıard teńgeni qurady. Bul kórsetkish ótken jylmen salystyrǵanda 5,5 paıyzǵa tómendegeni jeti jylda alǵash ret baıqaldy.
Atalǵan qyzmetterdiń basym bóligi Nur-Sultan men Almatyda kórsetiledi, bul rette, eger elordada osy qyzmetterdiń kólemi 9,5 paıyzǵa ósse, Almatyda ol, kerisinshe, 16,7 paıyzǵa azaıdy. Tutastaı alǵanda, Qazaqstannyń 17 óńiriniń 10-ynda sektordaǵy kórsetiletin qyzmetter kólemi qysqardy.
Osy jyldyń basynan beri tek jeke menshik jyljymaıtyn múlikti paıdalaný, jaldaý jáne basqarý boıynsha qyzmetter - 5,8 paıyzǵa, óndiristik-tehnıkalyq maqsattaǵy jyljymaıtyn múlikti satyp alý-satý boıynsha deldaldyq - 29 paıyzǵa ósti. Bul rette saýda naryǵyn jalǵa berý jáne paıdalaný naryǵynda 2,1 ese qysqartý oryn aldy.
О́ndiristik emes maqsattaǵy turǵyn úıdi jáne basqa jyljymaıtyn múlikti satyp alý-satý jáne jalǵa berý kezindegi deldaldyq qyzmetter (rıeltorlardyń qyzmetteri) bir jylda úshten birge qysqardy.
