Bul oqıǵa Batys Qazaqstan oblysynda oryn aldy. Onda «Karkýla» sharýa qojalyǵynyń jetekshisi Vıtalıı Karkýlanyń úıine qaraqshylyq shabýyl jasaldy.
Bul oqıǵa Batys Qazaqstan oblysynda oryn aldy. Onda «Karkýla» sharýa qojalyǵynyń jetekshisi Vıtalıı Karkýlanyń úıine qaraqshylyq shabýyl jasaldy.
Qaqaǵan qańtar túni saǵat shamamen 23.30-da betperde kıgen úsheý kásipkerdiń úıiniń terezesin syndyrǵan. Shýdy estip, sol mezet syrtqa shyqqan kásipkerdiń jubaıy, ıaǵnı oblystyq máslıhattyń depýtaty Valentına Karkýla soqqyǵa jyǵylady. Sosyn úı ıesi Vıtalııge sholaq myltyqtan eki ret oq atylyp, bir oq onyń týra basyna tıedi. Kásipker oqıǵa ornynda kóz jumǵan. Qaraqshylardyń bul jerge iri kólemde aqsha izdep kelgeni aıdan anyq. Alaıda, degenderine jete almady. О́ıtkeni, bul otbasy qomaqty qarjyny úıde emes, bankte saqtaıtyn edi. Biraq olar 500 myń Reseı rýblin de almaı, turmystyq tehnıka, qymbat uıaly telefon, qundy áshekeılerge tıispegen.
Kásipkerdiń úıine jasalǵan shabýyl taza qaraqshylyq. Úı ıeleri jaqyn arada Birikken Arab Ámirlikterine demalysqa barýǵa jınalǵan eken. Qaskúnemder muny bilip, munda mol aqsha bar dep kelýleri de ǵajap emes. Sebebi, bólmelerdiń astan-kesteńi shyqqan, keıbir shkaftar ashyq-shashyq jatyr. Úı ıesiniń jubaıy Valentına Karkýla esin jıǵannan keıin polısııa men «Jedel járdemdi» ózi shaqyrady jáne polıseılerge qylmyskerlerdi tabýǵa kómektesetin qundy derekterdi aıtyp beredi. Negizi shabýyl jasaǵandar úsheý, tórtinshisi syrtta avtokólikte kútip otyrǵan. Taıaý arada IIM-nen arnaıy tergeý toby da kómekke kelmek. Atalǵan qylmysqa baılanysty QK-niń 96-baby, 2-bólimimen (qaraqshylyq shabýyl nátıjesinde qasaqana kisi óltirý) is qozǵaldy, – dedi BQO IID basshysy, polısııa polkovnıgi Mahambet Ábısatov.
Vıtalıı Karkýla Zelenov aýdanynda alǵashqylardyń biri bolyp sharýa qojalyǵyn qurǵan azamat edi. Endi 350 adamǵa jumys taýyp berip otyrǵan iri sharýashylyqtyń basshysyn óltirgender tez arada ustalyp, qatań jazaǵa tartylady degen senimdemiz.
Toqtar ǴABDIREShULY,
jýrnalıst,
Temir QUSAIYN,
«Egemen Qazaqstan».
ORAL.
