Jazǵy, qysqy sport túrlerinen bolsyn Olımpııa oıyndarynyń orny bólek. Bıyl Reseıdiń Sochı qalasynda osyndaı dúbirli doda – Qysqy Olımpıada ótedi. Bul básekege álemniń 80-nen astam elinen 5 myń sportshy
qatysyp, sporttyń 15 túrinen 98 medal jıyntyǵyn sarapqa salady. Qazir Reseı úkimeti osy oıyndardy laıyqty deńgeıde ótkizý úshin baryn salyp, daıyndalýda.
Jazǵy, qysqy sport túrlerinen bolsyn Olımpııa oıyndarynyń orny bólek. Bıyl Reseıdiń Sochı qalasynda osyndaı dúbirli doda – Qysqy Olımpıada ótedi. Bul básekege álemniń 80-nen astam elinen 5 myń sportshy
qatysyp, sporttyń 15 túrinen 98 medal jıyntyǵyn sarapqa salady. Qazir Reseı úkimeti osy oıyndardy laıyqty deńgeıde ótkizý úshin baryn salyp, daıyndalýda.
Bul dodaǵa álemniń úzdik sportshylarymen birge, bizdiń otandastarymyz da qatysyp, kúsh synasady. Jalpy, bul – elimizdiń táýelsizdik alǵannan bergi altynshy Olımpıadasy. Buǵan deıin bizdiń qurama 1994 jyly Norvegııanyń Lıllehammer qalasynda ótken Qysqy oıyndarǵa, odan keıin 1998 jyly Japonııanyń Nagano, 2002 jyly AQSh-tyń Solt-Leık-Sıtı, 2006 jyly Italııanyń Týrın men 2010 jyly Kanadanyń Vankýver qalalarynda ótken Olımpııa oıyndaryna qatysqany belgili. Osy básekelerde sportshylarymyzdyń bar-joǵy 1 altyn, 3 kúmis jáne 2 qola júldege ǵana qol jetkize alǵandary málim. Jalǵyz altyn medaldi 1994 jyly alǵan ekenbiz. Sol kezde shańǵyshy Vladımır Smırnovtyń bir ózi 1 altyn, 2 kúmis júldeni ıelenip, Qazaqstan quramasyn jalpy esepte 12-orynǵa shyǵarǵan bolatyn.
Endi bıylǵy Sochı Olımpıadasynda qazaqstandyq sportshylardyń qansha júldeni alatynyn ázirshe kesip aıtý qıyn. Sport mamandary, qysqy jarystardyń arǵy-bergi jaǵynda júrgen adamdardyń ózi bul suraqqa naqty jaýap bere almasy anyq. Keı jerde 5 medal, ne 3 júlde alady dese, keıbireýi budan da az bolýy múmkin degendi aıtady. Osyndaıda bizdiń júldeniń sanynan góri sapasy jaqsyraq bolsa eken dep tileıtinimiz kúmánsiz. О́ıtkeni, 10 kúmisten 1 altynnyń salmaǵy basym ekeni belgili.
Jalpy, qazir bizdiń elde, qolda bar málimetterge qaraǵanda, 40-tan astam lısenzııa bar. Bul Vankýverde ótken Olımpıadaǵa qaraǵanda áldeqaıda kóp. Eger Kanadada Qazaqstan quramasy sporttyń 9 túrinen 39 joldamany ıelenip, nátıjesinde 37 sportshy baq synassa, bıylǵy Olımpıadaǵa bizdiń elden budan da kóp sportshy qatysady.
Endi Qazaqstan quramasy qatysatyn jarystarǵa kelsek, bular – shańǵy, bıatlon, mánerlep syrǵanaý, konkı tebý, tuǵyrdan shańǵymen sekirý, frıstaıl (mogýl), snoýbord, short-trek jáne basqa da sport túrleri. Bir ókinishtisi, bizdiń el Olımpıadanyń eń qyzyqty jáne tartysty bolatyn hokkeı jarysyna qatysa almaıdy. Bıyl erler jáne áıelder quramasy hokkeı týrnırinen syrt qalyp otyr. Byltyr Latvııanyń Rıga qalasynda ótken álem chempıonatynda hokkeıshilerimiz bul joldamany ala almaı qaldy. Al, jalpy byltyrdan beri Olımpıada lısenzııasy úshin Qazaqstan quramasy 12 álem chempıonaty men 50-den astam halyqaralyq týrnırler men jarystarǵa, kýbok kezeńderine qatysty.
Osy syndarǵa qatysý úshin sportshylarymyz daıyndyqtyń barlyq satysynan ótti. Sonyń nátıjesinde konkı tebý, mánerlep syrǵanaýdan, shańǵy jarystarynan ótken álem chempıonattarynda otandastarymyz birneshe júldeli oryndarǵa ıe boldy. Mysaly, Denıs Kýzın konkı sportynan 1000 metr qashyqtyqqa júgirýden birinshi oryndy ıelense, Denıs Ten mánerlep syrǵanaýdan ekinshi oryndy, shańǵy jarysynda Alekseı Poltoranın men Nıkolaı Chebatko komandalyq sprıntte úshinshi oryndy, Alekseı Poltoranın 50 km-ge klassıkalyq stılmen jarysýda qola júldeni ıelendi. Endi bizdiń jigitter álemdik básekelerdegi osy jetistikterin Olımpııa oıyndarynda qaıtalasa ıgi.
Sochı Olımpıadasyna mánerlep syrǵanaýdan eki sportshymyz qatysady. Byltyr Kanadada ótken álem chempıonatynda Halyqaralyq konkı federasııasy Denıs Ten men Abzal Raqymǵalıevke eki lısenzııa berdi. Osy chempıonat kezinde Ten atalǵan federasııa jarııalaǵan reıtıngte birden 17-orynnan altynshy orynǵa kóterildi. Al bizdiń elden Olımpıadaǵa eń kóp joldama alǵandar – bıatlonshylar. Olar álem kýbogy men álem chempıonatynyń qorytyndysy boıynsha on joldama aldy. On lısenzııa erler jáne áıelderge teń bólingen. Bul joldamalar jeke sportshylarǵa emes, quramaǵa berilgendikten, jattyqtyrýshylar quramy Olımpıadaǵa qatysatyn bıatlonshylardyń tizimin ózderi jarııalady. Onda erler quramasyn Dıas Keneshov bastasa, áıelder jaǵyn Olımpıadanyń kúmis júldegeri Elena Hrýstaleva bastap barady.
Sport jáne deneshynyqtyrý agenttiginiń tóraǵasy Tastanbek Esentaevtyń aıtýynsha, sporttyń segiz túri boıynsha ulttyq quramany daıyndaý úshin kelisimshart negizinde 17 jetekshi shetel mamany tartyldy. Olardyń qatarynda biliktiligi joǵary shańǵy maılaýshylar men sporttyq medısına salasyndaǵy mamandar bar. «Bizdiń sportshylardyń Olımpıadaǵa daıyndalýyna, joldama beretin jarystarǵa qatysýyna barlyq jaǵdaılar jasaldy. Ulttyq qurama komanda 193 oqý-jattyǵý jıyndaryna jáne 175 halyqaralyq syndarǵa, onyń ishinde álem kýbogy kezeńderine, álem, Azııa chempıonattaryna reıtıngtik jáne lısenzııalyq jarystarǵa qatysty», dedi ol.
Dastan KENJALIN,
«Egemen Qazaqstan».
