TOKYO2020 • 04 Tamyz, 2021

Jeńilisten keıingi suhbat

29 ret kórsetildi

Qyzdar kúresinen el namysyn qorǵaǵan Elmıra Syzdyqova birinshi aınalymda qyrǵyz balýanyna esh qarsylyq kórsete almady. Osylaısha, Rıo Olımpıadasynyń qola júldesine qol jetkizgen jerlesimiz Kúnshyǵys elinen júldesiz qaıtty. Qazaqstan Prezıdenti janyndaǵy Ortalyq kommýnıkasııalar qyzmeti alańynda Nur-Sultan men Tokıo arasynda tikeleı beınekonferensııa baılanysy arqyly brıfıng ótti. Oǵan Sport jáne deneshynyqtyrý komıtetiniń tóraǵasy Serik Sápıev, Grek-rım, erkin kúres jáne áıelder kúresi federasııasynyń vıse-prezıdenti Gúzel Manıýrova qatysty.

– Elmıra qyrǵyz balýanymen buǵan deıin jarystarda kezdesip, taza jeńip júrgen. Biraq osy joly kórshi eldiń sportshysy bizdiń qyzǵa arnaıy daıyndalyp kelgendeı. Elmıra oǵan qarsy eshteńe jasaı almady. О́kinishti-aq, – degen Gúzel Manıýrova Elmıranyń jeńisine jańa salmaqqa aýysqany kedergi bolýy múmkin degendi alǵa tartty. – Rıoda 68 kılo sal­maqta beldesken Syzdyqova Tokıoda 76 kıloda kilemge shyqty. Jeńilistiń bir sebebi osy da bolýy múmkin. О́ıtkeni keıde qarsylasyńa fızıkalyq jaǵynan kúshiń jet­peı jatady. Áıtpese, pandemııa kezinde qıyndyqtarǵa qaramastan sportshylarymyzǵa barlyq jaǵdaıdy jasaýǵa ty­rys­tyq. Al­daǵy ýaqytta kem-ketikterdi sara­lap, soǵan jumys isteıtin bola­myz.

О́z kezeginde Gúzel Manıý­rova pandemııa jaǵdaıyna baılanysty bir jyl keıinge shegerilgen Olımpıadada myqty degen sportshylardyń ne úshin jarysty erte aıaqtap jatqanyn aıtty.

– Úsh Olımpıadanyń júl­degeri retinde men sportshylardy jaqsy túsinemin. Aldymen, Elmıraǵa rahmet aıtqym keledi. Álemde úzdik 16 sportshynyń qataryna enip, Olımpıadaǵa ádettegideı tórt jyl emes, bes jyl daıyndalý qıynnyń qıyny. Sporttyq deńgeıińdi taǵy bir jyl ustap turǵanda, ózińnen keıingiler Olımp dodasyna tyń­ǵylyqty daıyndalýǵa, óz deńgeıine jetýge múmkindik alyp qoıady. Erler bolsyn, qyz­dar bolsyn kelgen balýandar fızıkalyq turǵyda myqty ekeni baıqalyp tur. Barlyǵy jeńiske jetkisi, barlyǵy da jaq­sy nátıje kórsetkisi keledi. Sol sebepti de bul jarysta Olım­pıada chempıon­dary men júldegerleri súrindi, – dedi G.Manıýrova.

Kelesi sóz Serik Sápıevke berildi. Tokıoda sportshylary­myz eshqandaı koronavırýspen aýyrmaǵanyn, barlyǵynyń den­saý­lyǵy jaqsy ekenin aıtqan komıtet basshysy shırek fınalda jeńilis tapqan boksshy Ábilhan Amanqul týraly da pikirin bildirdi.

– Ábilhannyń qarsylasy osal emes edi. Boıshań, urǵan soqqylary dóp tıip jatty. Kez­desý aldynda Ábilhannyń oń ıyǵy shyǵyp ketkenin bilesizder. Onymen qosa sol judyryǵy shytynap, kógerip ketken edi. Soǵan qaramastan boksshymyz teń dárejede judyryqtasty. Negizi jeńýge bolatyn qarsylas edi, átteń ondaı múmkindikti Ábilhan jiberip aldy, – dedi S.Sápıev.

Sońǵy jańalyqtar

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar