Astananyń «Barys» komandasy Qurlyqtyq hokkeı lıgasynyń «Shyǵys» dıvızıonynda Máskeýdiń «Spartak» klýbyn 4:2 esebimen utyp, birinshi orynǵa shyqty. Bul týraly egemen.kz tilshisi habarlady.
Kezdesýde esepti birinshi bolyp alań ıeleri ashty. Matchtyń 6-shy mınýtynda Naıdjel Doýs Dastın Boıdtyń bergen pasyn ádemi paıdalanyp, qarsylastar qaqpasyn dál kózdedi. Birinshi kezeńde osydan keıin eki jaq ta shaıba soǵýǵa qanshama tyrysqanymen jankúıerlerin taǵy golmen qýanta almady. Qonaqtar kezdesýdiń 27-shi mınýtynda ǵana esepti teńestirdi. Biraq bul esep kópke deıin sozylmady. Arada bir mınýt ótkende Talǵat Jaılaýov «Spartakqa» ekinshi goldy soqsa, 33-shi mınýtta Naıdjel Doýs taǵy da qonaqtardyń qaqpasyn dál kózdedi. Sońǵy kezeńde astanalyqtar esepti 4:1-ge jetkizdi. Bul shaıbanyń avtory bolyp Zak Hemıll atandy. Oıyn aıaqtalar kezde reseılikter bir shaıba ǵana soǵýǵa múmkindik aldy. Odan basqaǵa olardyń shamasy kelmedi.
Osy jeńisten keıin «Barys» «shyǵys» dıvızıonynda 44 oıynnan keıin 88 upaı ıelnip, birinshi orynǵa shyqty. Ekinshi orynda osynshama oıynnan keıin sonshama upaı alǵan Magnıtogorskiniń «Metallýrgy» tur. Úshinshi orynda Qazannyń «Ak barsy» keledi. Olarda 44 oıynnan keıin 86 upaı bar. Tórtinshi orynda Ýfanyń «Salavat Iýlaev» komandasy jaıǵasyp otyr. Olar 44 matchtan keıni 81 upaı ıelenýde.
Endi «Barys» kelesi oıynyn taǵy da óz aıdynynda ótkizedi. Bul joly astanalyqtar 16 qańtar kúni Horvatııanyń «Medveshchak» (Zagreb) komandasyn qabyldaıdy. Horvattar «Batys» dıvızıonynda 7-shi orynda keledi.
Dastan Kenjalın.
Derekkóz: http://www.khl.ru
