«Nur Otan» partııasy azamattardyń muń-muqtajyn tyńdap, usynys-tilekterin eskerýde jańasha ádis qoldanýǵa kóshti. Keshe «Nur Otan» partııasynyń Ortalyq apparaty uıymdastyrǵan qoǵamdyq qabyldaýdyń onlaın formatynda ótýi – osynyń kórinisi.
«Nur Otan» partııasy azamattardyń muń-muqtajyn tyńdap, usynys-tilekterin eskerýde jańasha ádis qoldanýǵa kóshti. Keshe «Nur Otan» partııasynyń Ortalyq apparaty uıymdastyrǵan qoǵamdyq qabyldaýdyń onlaın formatynda ótýi – osynyń kórinisi.
Partııa ókilderiniń aıtýynsha, mundaı jańasha ádis arqyly azamattarǵa qyzmet kórsetý olardyń ýaqytyn únemdeýge de belgili bir deńgeıde yqpal etpek. «Qoǵamdyq qabyldaý bólmesiniń mundaı tájirıbesi ótken jyldyń 1 jeltoqsanynan bastap júzege asyryla bastaǵan. Sol kúni Elbasy, partııa Tóraǵasy Nursultan Nazarbaev arnaıy kelip, qoǵamdyq qabyldaý bólmesiniń jańa ǵımaratyn ashty. Búgingi tańda biz «elektrondy úkimet» arqyly halyqqa úlken múmkindik týǵyzyp otyrmyz. Iаǵnı, ár azamat eshqaıda shyqpaı, ortalyqqa kelmeı, beıne baılanysqa shyǵyp, ózin tolǵandyrǵan másele boıynsha partııanyń qoǵamdyq qabyldaý bólmesinde ótip jatqan memlekettik organdar basshylarynyń, Májilis depýtattarynyń qabyldaýlarynda bola alady, onyń kestesi «elektrondy partııanyń» portalynda jarııalanǵan», dedi «Nur Otan» partııasy Ortalyq apparaty qoǵamdyq qabyldaý bólmesi meńgerýshisiniń orynbasary Jumajan Qamkenuly.
Sonymen, keshe partııanyń qoǵamdyq qabyldaý bólmesine Eńbek jáne halyqty áleýmettik qorǵaý mınıstri Tamara Dúısenova arnaıy kelip, áýelgi kezekte birqatar azamattarmen júzbe-júz kezdesip, olardyń talap-tilekterine qulaq túrdi. Atalǵan vedomstvo basshysynyń qoǵamdyq qabyldaýyna kelgen azamattardyń árqaısysyn san túrli másele tolǵandyryp, ártúrli saýal mazalaıdy eken. Máselen, mınıstr bul joly zeınetaqy, eńbekaqy, áleýmettik járdemaqy, áleýmettik materıaldyq kómek, jumysqa ornalasý, jeke kásip ashýǵa shaǵyn nesıe alý, múgedektik taǵaıyndaý, óndiristik jaraqat alǵan jumysshylarǵa tólenetin ótemaqy syndy máseleler tóńireginde jurtshylyqty tolǵandyryp júrgen saýaldarǵa jaýap berdi.
Mınıstrdiń qabyldaýyna kelgen azamattardyń arasynda Astana qalasynyń 64 jastaǵy turǵyny Tursyn Qabykenova degen azamatsha da bar eken. Búginde 3 nemeresin baǵyp otyrǵan ana óziniń qoǵamdyq qabyldaý bólmesine kelý sebebin bylaısha túsindirdi. «Meniń nemerelerimdi 4 jyl buryn anasy, ıaǵnı meniń kelinim tastap ketken edi. Ol kezde nemere qyzyma 1 jas 7 aı bolsa, al odan keıingi egiz nemerelerime 4,5 aı endi ǵana tolǵan bolatyn. Osy ýaqyt aralyǵynda eshqandaı járdemaqy alǵan joqpyn. О́zimniń jumysym joq, zeınetaqyǵa da shyqpaǵanmyn. Bárimiz ulymnyń az-maz jalaqysymen kún kórip otyrmyz. Bizdiń materıaldyq jaǵdaıymyz qıyn. Nemerelerim balabaqshalarǵa bara almaıdy. Sebebi, jıi aýyrady, óte álsiz. О́kpelerine sýyq tıgen, demikpe aýrýyna shaldyqqan.
Árıne, memleket tarapynan eki ret kvota berildi. Sol kvotalar boıynsha talaı ret emdeldik, jylynan 3-4 ret aýrýhanaǵa jatamyz. Qansha jyl baspana deýge aýyz barmaıtyn «úılerdi» jaldap, turyp keldik. Qazir de sondaı jerlerde turyp jatyrmyz. Baspanamyz joq. Týysqandarymyz bizge aıaýshylyq tanytyp, kómek kórsetip otyrady. Máselen, bıylǵy qys boıy bir aı bir týysymyzdyń úıinde, taǵy bir aı basqa týysymyzdyń úıinde turdyq. Meni nemerelerimniń jaǵdaıy alańdatady. Analary 4 jyl buryn ketkennen birde-bir ret tóbesin kórsetken emes. Mınıstrge osy jaǵdaı túrtki bolyp, múmkin kómegi tıip qalar» degen nıetpen kelgen edim. Mine, osylaı dep muń shaqqan ol Tamara Dúısenovanyń: «О́tinish jazyńyz, jaǵdaıyńyzdy qaraımyz», degen sózine úmit artyp otyrǵanyn jetkizdi.
Sonymen qatar, bul kúni alǵash ret aımaqtarmen onlaın pishimi negizinde qabyldaý júrgizildi. Máselen, vedomstvo basshysy elimizdiń 3 óńiri – Aqmola, Aqtóbe jáne Qostanaı oblystarymen tikeleı baılanysqa shyǵyp, atalǵan óńirlerdiń 6 turǵynynyń talap-tilekteri men ótinishterin tyńdady. Onlaın baılanysqa shyqqan óńir turǵyndary elimizdiń «Zeınetaqymen qamsyzdandyrý týraly» Zańyna ózgerister engizý, eńbek ardagerleriniń dárejesi týraly zań jobasyn ázirleý, aýyl sharýashylyǵynda qyzmet atqarǵan zeınetkerlerdiń zeınetaqysyn ósirý, múgedek balalardyń kútimine qajetti áleýmettik kómek kórsetý týraly usynystaryn jetkizdi.
Azamattarǵa qoǵamdyq qabyldaý júrgizilgennen keıin T.Dúısenova muń-muqtajdarymen kelip, ótinish aıtqan azamattardyń máselelerin sheshý jóninde aımaqtyq organdarǵa birqatar tapsyrmalar berdi.
Láıla EDILQYZY,
«Egemen Qazaqstan».
