«Qostanaı oblysy aýmaǵynda sońǵy 5 kún ishinde úsh bala kópqabatty úılerdiń terezesinen qulady. Zardap shekkender balalar 2, 3 jáne 5 jasta. Olardyń barlyǵy aýyr halde aýrýhanaǵa jetkizildi. Sońǵy jaǵdaı keshe oblys ortalyǵynda oryn alǵan. 2018 jyly týǵan bala birneshe mınýtqa ǵana ákesiniń nazarynan tys qalyp terezeden qulap ketken», dep túsindirdi oblystyq basqarmada.
Terezeden qulap ketý sebepteri terezeleri ashyq páterderde balany qaraýsyz qaldyrý, terezede qaýipsizdikti qamtamasyz etetin arnaıy blokırator, shekteýish nemese ózge qorǵanystyń bolmaýy, tereze aldynda ústel, oryndyq, dıvannyń bolýy.
«Úıdegi balalardyń qaýipsizdigin aldyn ala oılastyrý arqyly osnydaı jaǵdaıdy boldyrmaý kerek. Blokırator men shekteýishtiń baǵasy birneshe myń teńgeden aspaıdy. Terezeler jabdyqtalmaǵan kúıde bolsa, balalardyń ómirine qaýip tónýi múmkin», delingen habarlamada.
