Sport • 06 Tamyz, 2021

Semeı áýejaıynda Olga Rypakovany jankúıerleri qarsy aldy

249 ret kórsetildi

Shilde aıynyń sońynda Tokıo Olımpıada oıyndary aıasynda jeńil atletıkadan jarystar ótti. Qazaqstan quramasynan alǵashqy bolyp úsh ret sekirýden jeńil atletter qatysty, dep habarlaıdy Egemen.kz.

Olardyń arasynda Olımpıada chempıony Olga Rypakova da bar. Fınalǵa ótý úshin 14,40 metrdi eńserý kerek boldy. Rypakova 13,69 metr nátıje kórsetip, fınalǵa óte almady. Degenmen, sportshynyń Olımpıadadan alǵan áserleri erekshe. Búgin Olımpıada chempıonyn Semeıdiń áýejaıynda týystary men jankúıerleri kútip aldy.

«Olımpıada men úshin sátti ótpese de, alǵan áserlerim erekshe. Uıymdastyrý jaǵy unady. Sportshyǵa jetpeıtin jalǵyz jáıt baıqaldy. Ol shynaıy kórermenderdiń bolmaýy. Japon halqyna álemdegi jaǵdaıǵa qaramastan Olımpıada oıyndaryn laıyqty ótkizgeni úshin rahmet. Qazaqstandyqtardyń qoldaýy áleýmettik jelilerde de, jańalyqtarda da sezildi. Barlyq jerde jaǵymdy tilekter men oń pikirler aıtylyp jatty. Olımpıada oıyndary men úshin sátsiz bolǵanymen, shynaıy jankúıerlerdiń qoldaýlary erekshe shabyttandyrdy. Barshańyzǵa dán rızamyn», deıdi Olga Rypakova.

Sportshy sondaı-aq, Olımpıadanyń ashylýyna qatysty túsinikteme berdi. Onyń qazaqy kıimmen tý ustap shyqqan beınesi sheteldikterdiń tańdaıyn qaqtyrǵan. Rypakovanyń aıtýynsha, munyń bári stılıstter men dızaınerlerdiń sátti eńbegi.

«Meniń bul beınemdi kórgen sheteldikter óte erekshe áserde boldy. Áleýmettik jelilerde oń sıpattaǵy pikirler kóp jazyldy. Meniń beıneme uqsas keıipkeri bar kompıýterlik oıyndar bar eken. Sondyqtan japondyqtardyń, koreılerdiń, tipti qytaılyqtardyń áreketi osylaı bolǵan. Meniń oıymsha, bul tý ustaýshylardyń jarqyrap shyǵýyna úles qosqan stılısterdiń, dızaınerlerdiń, Ulttyq Olımpıada komıtetiniń tikeleı eńbegi. Olar bárin joǵary deńgeıde jasady», deıdi Olga.

Aldaǵy ýaqytta sportshy demalýdy josparlap otyr.

«Men áli aldaǵy ýaqytqa jospar qurǵan joqpyn. Meniń oıymsha, biraz demalyp, qalpyma kelýim kerek», dedi sportshy.

Olga Rypakova – qazaqstandyq jeńil atlet, London Olımpıadasynyń chempıony (2012), Beıjiń Olımpıadasynyń kúmis júldegeri (2008) jáne Rıo-de-Janeıro Olımpıadasynyń qola júldegeri (2016).

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar