Kórneki sýret
Indýstrııalandyrýdyń úshinshi kezeńi eksportqa baǵdarlanǵan jobalardy damytýǵa baǵyttalǵan. Bul bes jylda memlekettik qoldaý sharalary ishki naryqty sapaly ónimmen tolyqtyrýǵa jáne eksporttaýǵa baǵyttalady.
Basty nazar tereń óńdeý deńgeıi men qosylǵan qunnyń joǵary deńgeıi bar ónim shyǵarýdy qoldaýǵa aýdarylady.
Qostanaı oblysynda iri mashına jasaý klasterin qalyptastyrý boıynsha aýqymdy joba iske qosylady. Onda aýyl sharýashylyǵy tehnıkasy men avtomobılderin óndirýge arnalǵan komponentter, bólshekter men toraptardyń myńǵa jýyq ataýy shyǵarylady. Osy jerde Qostanaı ónerkásiptik aımaǵynda «KamAZ» qozǵaltqyshtaryna arnalǵan jınaqtaýyshtardyń quıý óndirisiniń qurylysy bastaldy.
Bıyl «Kaspy Service» JShS munara krandary men lıftiler shyǵaratyn zaýyttyń, «United Energy Qazaqstan» JShS jel generatorlaryn shyǵaratyn zaýyttyń, «Saıman korporasııasy» JShS aspap jasaý zaýytynyń qurylysyn bastaýdy josparlap otyr.
Eýropanyń, Japonııanyń, Kanadanyń, AQSh-tyń damyǵan naryqtary ekologııalyq taza ónimder men kólik óndirisin damytýǵa erekshe nazar aýdarady. Bul bizdiń elimiz úshin de mańyzdy.
QR Prezıdentiniń «Qazaqstannyń úshinshi jańǵyrýy: jahandyq básekege qabilettilik» Joldaýynda QR IIDM-ge eksportqa baǵdarlanǵan elektromobılder óndirisin odan ári damytý, qajetti ınfraqurylym qurý máselesin pysyqtaý tapsyryldy. Bul tapsyrma sátti oryndalyp jatyr.
Qazaqstandyq «SaryarqaAvtoProm» zaýyty JAC iEv7S elektromobıliniń serııalyq óndirisin iske qosýǵa daıyndalyp jatyr. EAEO-nyń barlyq aýmaǵynda avtomobıldi aınalymǵa shyǵarýǵa múmkindik beretin Keden Odaǵynyń kólik quralyn maquldaý sertıfıkaty alyndy. Halyq arasynda modeldi tanymal etý úshin satý kólemin damytýǵa baǵyttalǵan yntalandyrýn sharalary daıyndalýda.
Memleket basshylyǵy QR Indýstrııa jáne ınfraqurylymdyq damý mınıstrliginiń aldyna úshinshi besjyldyqqa mańyzdy ındıkatorlar qoıyp otyr. 2025 jylǵa qaraı mashına jasaý men óńdeý ónerkásibinde eksporttyq kólem eki ese, eńbek ónimdiliginiń naqty ósimi 1,6 ese, negizgi kapıtalǵa salynatyn ınvestısııalar 1,6 ese ósýge tıis. Otandyq mashına jasaý salasynyń áleýeti zor. Importty almastyrý esebinen ǵana 16,5 mlrd AQSh dollarynan astam kólemde taýar óndirýge bolady.
