Búgin, 16 qańtar kúni Shymkenttegi «Qazyǵurt» shaǵyn aýdanynda avtobýs ot qushaǵyna oranyp, nátıjesinde túk qalmaı janyp ketti. Bul týraly Ras.kz habarlady.
«Jumysqa asyqqan jolaýshylarǵa toly №111 baǵyttaǵy avtobýs osy shaǵyn aýdandaǵy «Nur» dúkenine jeter-jetpes janyp ketken», – delingen habarlamada.
Tańǵy saǵat 7-de oqys oqıǵaǵa tap bolǵan qoǵamdyq kóliktiń nelikten órtke oranǵany ázirge belgisiz. Beıresmı emes málimetterge qaraǵanda, órt avtobýstyń elektr jelileriniń tuıyqtalýynan shyqqan bolýy yqtımal.
Kýágerlerdiń aıtýynsha, jolaýshylar arasynda eshkim zardap shekpegen, órt bastalǵannan barlyǵy din-aman avtobýstan shyǵyp úlgergen.
Oqys oqıǵadan jergilikti tótenshe jaǵdaılar departamentiniń órt sóndirýshileri habarsyz bolyp shyqty. Qazirgi tańda órtten tek qańqasy ǵana qalǵan qoǵamdyq kólikti tártip saqshylary evakýatordyń kómegimen oqıǵa ornynan alyp ketti.
Hamıt Mustafa.
Derekkóz: Ras.kz
Foto: Ras.kz.
