Indonezııanyń Soltústik Sýlavesı provınsııasynda sý tasqyny oryn alyp, 13 adam qaza boldy. Taǵy eki turǵyn iz-túzsiz joǵalǵan. Bul týraly «Argýmenty ı fakty» gazetiniń ınternet basylymy habarlady.
Sýlavesı aralynyń soltústik bóligin túgel sý basyp qalǵan. Sonyń saldarynan 40 myńdaı adam úılerin tastap ketýge májbúr boldy.
Birneshe kún boıy nóserlep jaýǵan jańbyr tasqynnyń kúsheıýine áser etti. Sýlavesı provınsııasynyń ákimshilik ortalyǵy sanalatyn Manado qalasynda tórt ózen arnasynan asyp, shahardyń biraz bóligi men 4 kópirdi sý shaıyp ketken. Keıbir jerlerde laı kóshkini júrip, birneshe úıdi basyp qalǵan.
Mamandardyń aıtýyna qaraǵanda, tasyǵan sýdyń deńgeıi jaqyn arada túspeıtin kórinedi. Qutaqarýshylar apat aımaǵynda qalǵan turǵyndardy qaýipsiz aımaqqa kóshirýde.
Aıdar О́risbaev.
Derekkóz: Aif.ru
Foto: Moscow-post.ru
