Bostondaǵy marafon kezinde jarylys uıymdastyrdy dep aıyptalyp otyrǵan Djohar Sarnaevtyń dostaryna qatysty sot isi 2014 jylǵy 23 maýsymǵa belgilendi. Bul týraly ITAR-TASS habarlady.
AQSh bıligi Qazaqstan stýdentteri Azamat Tajaıaqov pen Dıas Qadirbaevqa aıǵaqtardy joıýǵa árekettenip, tergeý amaldaryna bóget jasady degen aıyp taqty. Tergeý derekterine qaraǵanda, terakttan úsh kún ótkennen keıin olar Sarnaevtyń noýtbýgi men peratehnıkalary bar sómkeni laqtyryp jibergen. Boljam boıynsha, olar jańalyqtardan Sarnaevtyń sýretin kórip, onyń teraktqa qatysy bar ekenin túsingen soń qoldaryndaǵy aıǵaqtardan qutylýǵa kirisken. Keıinnen ol sómke qoqys jáshiginen tabyldy.
Tajaıaqov pen Qadirbaevqa 25 jylǵa deıin bas bostandyǵynan aıyrylý qaýipi tónip tur. Olar aıǵaqtardy joıýǵa árekettengen degen aıypty moıyndaýdan bas tartty.
Sarnaevtyń taǵy bir dosy, Robel Fıllıposqa FBR tergeýshilerine jalǵan málimet berdi degen aıyp taǵyldy. Ol da óz kinásin moıyndaýdan bas tartýda.
Tajaıaqov, Qadirbaev pen Fıllıpostyń soty bir-eki aptaǵa sozylady dep kútilýde. Bulardyń barlyǵy Sarnaevpen Dartmýt qalasyndaǵy Massachýsets ýnıversıtetinde oqyp júrip tanysqan. AQSh bıligi stýdentterdi josparlanǵan terakt jóninde bilmegen jáne ony daıyndaýǵa qatyspaǵan dep esepteıdi.
Aıdar О́risbaev.
Derekkóz: Itar-tass.com
Foto: Vestikavkaza.ru
