Depýtattar qalalyq IIB-de bolǵan kezde megapolıs turǵyndarynyń quqyqtaryn qorǵaý jáne qaýipsizdigin qamtamasyz etý jaǵdaıymen tanysty.
Polıseıler senatorlarǵa beıne baqylaý ortalyǵy men polısııanyń zamanaýı mobıldi bólimsheleriniń jumysyn kórsetti. Olar qalada qaýipsizdikti qamtamasyz etý úshin 70 beınebaqylaý qurylǵysy ornatylǵanyn jáne halyq tyǵyz ornalasqan aýdandarda 100 mobıldi polısııa ýchaskesin salý máselesi sheshilgenin aıtty.
Kezdesý barysynda qaýipsizdik qyzmetkerleriniń eńbek jaǵdaıyn zańnamalyq qamtamasyz etý máseleleri de kóterildi. Atap aıtqanda, quqyq qoldanýdyń úsh deńgeıli júıesin engizý jáne halyqqa «qadamdyq qoljetimdilik» qaǵıdatyna negizdelgen polısııa qyzmetiniń úlgisin zańnamalyq bekitý talqylandy.
«Pandemııa kezinde quqyq qorǵaý organdary qyzmetkerleriniń jumysy aýyrlaǵany anyq jáne qosymsha kúsh jumsalǵany belgili. Osyǵan baılanysty megapolıste polısııa qyzmetin jetildirý jáne zaman talabyna sáıkes sıfrly servısterge kóshý mańyzdy bolyp otyr. Karantın kezinde turǵyndardyń qımyl-qozǵalysy men qaýipsizdigin baqylaý da – ózekti másele. Sondyqtan kóshelerde beınebaqylaý kameralaryn ornatýdyń tıimdiligi artyp otyr. Bul rette kameralyq baqylaý quraldary aıyppuldar salý arqyly jazalaý maqsatynda emes, turǵyndardyń qaýipsizdigin qamtamasyz etý baǵytynda kóbirek qyzmet atqarýy tıis», dedi senator Aıgúl Qapbarova.
Senat depýtaty Nurlan Beknazarov óz kezeginde elimiz Prezıdenti alǵa qoıǵan mindetterge sáıkes azamattardyń quqyqtary men qaýipsizdigin qorǵaýdy kúsheıtý senatorlardyń nazarynda bolatynyn atap ótti.
