«Ortalyǵy Pavlodar oblysynyń ústindegi sıklon respýblıkanyń soltústiginde, shyǵysynda, ońtústik-shyǵysynda jáne ortalyǵynda turaqsyz aýa raıynyń saqtalýyna sebepshi bolyp, jańbyr jaýady, naızaǵaı oınaıdy. Soltústikte, soltústik-shyǵysta qatty jańbyr jaýady, jekelegen aýdandarda burshaq jaýyp, daýyl soǵady. Elimizdiń batysy men ońtústiginde jaýyn-shashynsyz aýa raıy saqtalady. Respýblıka boıynsha keı jerlerde jeldiń kúsheıýi, ońtústikte shańdy daýyl soǵady», delingen habarlamada.
Atap aıtqanda, Qaraǵandy, Soltústik Qazaqstan, Pavlodar oblystarynda naızaǵaı oınap, burshaq jaýyp, daýyl soǵady, túnde Pavlodar oblysynyń keı jerlerinde tuman túsedi.
Aqmola oblysynda naızaǵaı oınap, kúndiz burshaq jaýady.
Shyǵys Qazaqstan oblysynyń keı jerlerinde naızaǵaı oınap, burshaq jaýady, jel 15-20 m/s kúsheıedi.
Jambyl oblysynda kúndiz taýly aýdandarda naızaǵaı, burshaq, shańdy daýyl bolady.
Kúndiz Almaty oblysynyń keı jerlerinde jel kúsheıedi.
Túrkistan, Qyzylorda, Mańǵystaý oblystarynda kúndiz 15-20 m/s deıin jel kúsheıedi, shańdy daýyl soǵady.
Atyraý, kúndiz Batys Qazaqstan, Qostanaı oblystarynda jeldiń jyldamdyǵy 15-20 m/s jetedi.
Kúndiz Atyraý oblysynda óte qatty ystyq saqtalady, Mańǵystaý oblysynyń basym bóliginde qatty ystyq, oblystardyń ońtústiginde óte qatty ystyq, Batys Qazaqstan oblysynyń keı jerlerinde qatty ystyq bolady.
«Qyzylorda, Túrkistan, Mańǵystaý, Atyraý, Jambyl, Aqtóbe oblystarynyń basym bóliginde, Qaraǵandy, Almaty, Batys Qazaqstan oblystarynyń keı jerlerinde, Qostanaı, Shyǵys Qazaqstan oblystarynyń ońtústiginde, Aqmola oblysynyń jekelegen aýdandarynda tótenshe órt qaýpi saqtalady», delingen habarlamada.
