Foto qala ákimdiginiń resmı saıty
8 tamyzda Nur-Sultanda 11 kásipkerlik nysany karantındi buzdy.
Almaty aýdanynda «Kısh Mısh» kafesinde, «ChBD» túngi klýbynda, «Panaehalı» jáne «Sova» barlarynda karantın rejımi saqtalmaǵan.
Qoǵamdyq tamaqtaný oryndary úshin belgilengen jumys kestesi Esil aýdanynda ornalasqan «Lavash Food» jáne «Bobber Bri» jyldam tamaqtaný nysandarynda, sondaı-aq «Pavilion» meıramhanasynda saqtalǵan joq. Sonymen qatar, qyzmetkerler men kelýshiler maska rejımin saqtamaǵany anyqtaldy.
Saryarqa aýdanynda karantın buzýshylar tizimine «El plaza» meıramhanasy, «Karıma» kafesi, «Kega mucic bar» bary endi.
Sondaı-aq, Baıqońyr aýdanynda ornalasqan «Xalva» meıramhanasynda shekteý sharalary saqtalǵan joq.
Osylaısha, 6-8 tamyz aralyǵynda Nur-Sultanda úsh kún ishinde 45 mekeme karantın shekteýlerin buzdy.
Esterińizge sala keteıik, demalys kúnderi qoǵamdyq tamaqtaný nysandaryna kelýshilerdi qabyldaýǵa tyıym salynady. Osyǵan qaramastan, keıbir kafeler men meıramhanalar esigin ishten jaýyp alyp toı ótkizgen.
Tártip buzýshylarǵa qatysty jınalǵan materıaldar tıisti shara qabyldaý úshin sanıtarlyq-epıdemıologııalyq baqylaý salasyndaǵy ýákiletti organǵa berildi.
