Syqyrlaǵan sary aıazda bir jaǵyna qaraı qısaıyp, ókpesin zorǵa súıretip, yńyrana basyp, kók tútinin býdaqtatyp ketip bara jatqan qoǵamdyq kólikti kóp kóresiz. Qyzylordadan. Ásili, Qazaqstannyń qaı túkpirinde turmasa da avtobýspen júretin adamdar biledi.
Syqyrlaǵan sary aıazda bir jaǵyna qaraı qısaıyp, ókpesin zorǵa súıretip, yńyrana basyp, kók tútinin býdaqtatyp ketip bara jatqan qoǵamdyq kólikti kóp kóresiz. Qyzylordadan. Ásili, Qazaqstannyń qaı túkpirinde turmasa da avtobýspen júretin adamdar biledi.Bizde qoǵamdyq kóliktiń mádenıeti kem. Adam emes, aǵash basqandaı etip tıeıdi. Kondýktor urysqaq. Júrgizýshi dóreki. Kóshede emes, avtorallıde kele jatqandaı jarysady. Oǵan kólikterdiń qańqasy ǵana qalǵanyn qossańyz, azaptyń arta túsetini anyq. О́ıtkeni, dittegen jerińe jetkizetinine sene almaısyń. Kóneniń kózin kórgendeı keıipke túsken avtobýstarǵa tap bolǵanda eriksiz osyndaı oıǵa tirelesiz.
Jalpy, búginde avtoparktiń deni jekeniń qolynda. Memlekettiń esebinen qarjylandyrylyp otyrǵan parkter neken-saıaq shyǵar. Al jekemenshiktiń maqsaty belgili. Aqsha tabý. Qarjyny molaıtý. Degenmen, parktegi avtobýstardy jańartýǵa kelgende qınala beredi. Jolaqysyn kótergendi bilgen kompanııalar, kólikti jańalaýdy bilmeıdi degenge sene almaısyń. Aqyr sońy, jalpaq jurttyń tútinine shashalǵan kólikpen júrgennen basqa amaly qalmaıdy.
Byltyr qarasha aıynda Qyzylorda oblysynyń ákimdigi bir bastama bastady. Sol boıynsha, «Baıqońyr» áleýmettik-kásipkerlik korporasııasy men Eýropa qaıta qurý jáne damý banki arasynda memorandýmǵa qol qoıylǵan bolatyn. Ol ne memorandým edi? Atalǵan qujat boıynsha Qyzylorda qalasynda zamanaýı avtobýs parki qurylyp, jańa jolaýshy tasymaldaýshy kólikter ákelinbek. Shyndyǵy kerek qoı, bastapqyda osyǵan asa ılana qoımadyq. Elp ete qalmadyq. Sóıtsek, jańa avtobýstar satyp alýǵa Eýropa qaıta qurý jáne damý banki 18,8 mıllıon dollar qarajat bólipti. Sonyń alǵashqy 20 avtobýsy Qytaıdan Qyzylordaǵa kelip jetipti. Avtobýstar ekologııalyq taza gazben júredi eken. Sonymen qatar, múmkindigi shekteýli adamdardyń minip-túsýine de yńǵaıly jasalǵan. Avtobýs parkiniń dırektory Murat Nuǵmanovtyń aıtýynsha, bul jańa kólikterdiń syıymdylyǵy 75-80 adamdy quraıtyn kórinedi. Atalǵan memorandýmnyń arqasynda kóp uzamaı Qyzylorda kóshelerinde sý jańa avtobýstar paıda bolady. Keleshekte taǵy 100 avtobýs ákelý josparlanyp otyrǵanǵa uqsaıdy. Taǵy bir ereksheligi bar munyń. Avtobýstyń júrgizýshisi men kondýktorlarynyń tap-tuınaqtaı biryńǵaı forma kıgenin Astanadan kóretin edik. Almatynyń ózinde mundaı jaǵdaı qalyptasqanyn baıqaý qıyn. Mine, elordadaǵy úrdis bizge jetti. Kólik júrgizýshileri men kondýktorlaryna arnaıy kıim alyndy. Endi aldaǵy ýaqytta Aqmeshitte olpy-solpy júrgen qoǵamdyq kóliktiń júrgizýshisi men kondýktoryn kórmeıtin bolasyz. Qazir olar qozǵalys jáne qaýipsizdik negizderin taǵy bir pysyqtaýda. Sonymen qatar, jańa avtobýs parkin salý úshin arnaıy jer bólindi. Bul da úlken jańalyqtyń basy. Sebebi, park salynyp, avtobýstar túgeldeı jańarsa, onda Qyzylordada qoǵamdyq kóliktiń problemasy sheshiledi degen sóz. Osylaısha, shahardaǵy kúrmeýi qıyn jolaýshylar tasymaly máselesi bıyl sheshimin tabady dep senemiz.
Erjan BAITILES,
«Egemen Qazaqstan».
QYZYLORDA.
