Elbasynyń Qazaqstan halqyna Joldaýynda aýyl sharýashylyǵy qyzmetkerlerine de bıik mindetter qoıylǵany belgili. Et eksportyn jolǵa qoıý, aýyl sharýashylyǵynda óńdeýshi kásiporyndardy iske qosyp, turǵyndardy un, basqa da azyq-túlikpen qamtamasyz etý basty nazarda bolý kerektigi taıǵa tańba basqandaı kórsetilgen. Biz bul baǵytta birshama tabystarǵa jettik dep aıta alamyz.
Elbasynyń Qazaqstan halqyna Joldaýynda aýyl sharýashylyǵy qyzmetkerlerine de bıik mindetter qoıylǵany belgili. Et eksportyn jolǵa qoıý, aýyl sharýashylyǵynda óńdeýshi kásiporyndardy iske qosyp, turǵyndardy un, basqa da azyq-túlikpen qamtamasyz etý basty nazarda bolý kerektigi taıǵa tańba basqandaı kórsetilgen. Biz bul baǵytta birshama tabystarǵa jettik dep aıta alamyz.
«Ikep» sharýa qojalyǵynyń qurylǵanyna 10 jyl toldy. Zaısan aýdanyndaǵy meniń inim Bolat Nurasyl basqaratyn qurylys kompanııasynyń jumys isteı bastaǵanyna 45 jyldan asty. «Zaısan qurylys» kompanııasy dep atalatyn bul mekeme bizde ǵana emes, kórshi aýdandarda da qurylys salýda. Kúrshimde, Tarbaǵataıda birneshe qurylys ǵımarattaryn salyp berdi. Qazir aýdan ortalyǵynda 60 páterli turǵyn úı qurylysyn salyp jatyr. Qaljyr ózeninde jańa kópirdi, Qaroıda da kópirdi sapaly etip salyp berdi. Kompanııada búgingi kúni 300-ge tarta adam eńbek etedi. Al osynshama adamdy azyq-túlikpen qamtamasyz etý, artyq bolyp jatsa aýdan turǵyndaryna satý bizdiń mindetimiz. Árıne, ol úshin izdenis pen ilkimdilik qajet ekeni málim.
Qojalyqta 400 iri qara,130 jylqy, bir tabyn qoı bar. 270 sıyrdyń sútin aýdandaǵy sút zaýyty satyp alýda. Bıyl 1070 gektarǵa egin egip, gektarynan 17 sentnerden ónim aldyq. Kespe sehy, naýbaıhanamyz bar. Et, sút, kespeni óz jumysshylarymyzǵa arzan baǵamen bosatamyz. Osydan birer jyl buryn táýligine 120 tonna un tartatyn zaýytty paıdalanýǵa bergemiz. Onyń ıgiligin tórt aýdan jurtshylyǵy kórip otyr. Zaýytqa isker maman Nurtas Baıǵojanov jetekshilik etedi. 300 tonna bıdaıdy kelesi jylǵa tuqym qoryna saqtap qoıdyq. Biz qaıyrymdylyq sharalaryna da qatysyp, turmysy nashar otbasylaryna qolǵabys jasap otyramyz.
El táýelsizdiginiń 22 jyldyǵy qarsańynda qojalyqta eńbek etetin ozattarǵa qurmet kórsettik, ozattardy marapattadyq. Uzaq jyldar eńbek etken azamattardyń esimi qurmet kitabyna jazyldy.
Táýelsizdik – tátti uǵym. Endeshe, aldaǵy ýaqytta da egemen eldiń bosaǵasy berik bolyp, halyqtar dostyǵy nyǵaıa berse, Qazaqstannyń álemdegi ozyq 30 memlekettiń qataryna qosylýyna kámil senemiz. Soǵan laıyqty úles qosa beremiz.
О́mirbek NURASYLOV,
«Ikep» sharýa qojalyǵynyń tóraǵasy.
Shyǵys Qazaqstan oblysy,
Zaısan aýdany.
