Shynyn aıtý kerek, shańy shyǵyp jatqan Shaıan aýylynyń shetinen salynyp jatqan osynaý alyp ǵımaratty alǵash kórgenimizde «Aıdalada appaq bolyp turǵan bul ne qylǵan otaý?» dep ań-tań bolǵanymyz ras. Aýdan basshylarynyń aýzynan «Bul kolledjdiń ǵımaraty ǵoı» degendi estigende, «Oıpyrmaı, bar-joǵy elý myńnyń ústinde halqy bar Báıdibek aýdanynan bul oqý ornyn toltyratyn oqýshy tabyla ma?» degen suraqtyń da kókeıde turyp alǵanyn jasyrýǵa bolmas.
Shynyn aıtý kerek, shańy shyǵyp jatqan Shaıan aýylynyń shetinen salynyp jatqan osynaý alyp ǵımaratty alǵash kórgenimizde «Aıdalada appaq bolyp turǵan bul ne qylǵan otaý?» dep ań-tań bolǵanymyz ras.Aýdan basshylarynyń aýzynan «Bul kolledjdiń ǵımaraty ǵoı» degendi estigende, «Oıpyrmaı, bar-joǵy elý myńnyń ústinde halqy bar Báıdibek aýdanynan bul oqý ornyn toltyratyn oqýshy tabyla ma?» degen suraqtyń da kókeıde turyp alǵanyn jasyrýǵa bolmas. Jaqynda osy ǵımarattyń ashylý rásimi ótti. Mine, sol saltanatty jıynda joǵarydaǵy oıymyzdyń múldem qate ekenin, Shaıannyń shetinen oryn tepken bul aq shańqan ǵımarattyń bolashaǵy zor ekenine kóz jetkizgendeı boldyq.
Aýyl shetinde turǵan osynaý alyp ǵımaratty kolledj emes, joǵary oqý ornynyń biri me dep qalatynyń anyq. Bul bilim ordasy 360 oqýshyǵa arnalǵan. 180 oryndy jataqhanasy týra janynda tur. 2009 jyly bastalǵan nysan qurylysyna respýblıkalyq bıýdjetten 2 mlrd. 454 mln. teńge bólinip, «ShymkentGaz» JShS osy jumystyń bárin abyroımen atqaryp shyǵypty. Endi «Osynshama oqýshyny qaıdan tabady?» degen suraqqa kelsek, kolledj bir Báıdibek aýdany emes, bir kúrejoldyń boıynda qatar jatqan birneshe aýdannyń jastaryna bilim beredi eken. Iаǵnı aımaqtyq mártebege ıe bul oqý ordasynda Túrkistan qalasy men Otyrar, Sozaq, Ordabasy aýdandarynan kelgen jastar qalaǵan kásibı mamandyqtary boıynsha dáris alady. Fermer mamandyǵynyń qyr-syryn, odan bólek tiginshi, traktorshy-mashınıst, elektromonter mamandyqtaryn ıgeredi.
Árıne, jastarǵa kásibı mamandyq beretin bul kolledj aıaq astynan paıda bolǵan joq. Kolledj dırektory Lesbek Álıasqarovtyń aıtýyna qaraǵanda, atalmysh oqý orny 1958 jyly burynǵy Alǵabas aýdany, Jambyl eldi mekenindegi Júzimdik mashına-traktor stansasynyń bazasynda qurylǵan. Arnaıy ǵımaraty bolmaǵan soń, ár jyldary Qyzyljar, Jambyl, Shaıan eldi mekenderindegi eski ǵımarattardy panalap júripti. Iаǵnı kolledjdiń ǵımaraty jańa bolǵanymen, tarıhy tereńde jatyr. Sodan bolar bul jańa oqý ornynda ártúrli mamandyq boıynsha barlyǵy 338 jas bilim alýda eken. Jańa kolledjdegi 15 oqý kabıneti tolyq jabdyqtalǵan. Onyń ishinde 6 arnaıy tehnologııa, 6 lıngafon jáne 3 ınformatıka kabıneti bar. Budan bólek hımııa, bıologııa, fızıka pánderine arnalǵan kabınetter, ádistemelik kómek kórsetý jáne ustazdar bólmesi men zerthanalar qyzmetke oraılastyra salynǵan. Ozyq sáýlet úlgisindegi ǵımaratta dárigerlik kómek jáne jýyný bólmeleri, 8 oqý sheberhanasy, 90 oryndy ashana, 44 oryndy kitaphana, 156 oryndy májilis zaly jáne sport kesheni ornalasqan.
Qosturanyń qoınaýynda jatqan osynaý saıyn dalada eki kúnniń birinde Arystandy Qarabastyń jeli arqyrap turatyn bolǵan soń ǵoı, daýyly qatty aýyldy «Shań basqan Shaıan» dep aıtyp jatqanymyz. Áıtpese, sońǵy jyldary Báıdibek aýdanynyń ortalyǵy Shaıannyń ájeptáýir shyraıy kirip qaldy. Kósheleri keńeıip, sándi úıleri kóbeıip, saıabaqtar salyndy. Endi mine, jastarǵa mamandyq beretin osy kolledj Shaıannyń jarqyn ómiriniń taǵy bir jańa paraǵyn ashyp jibergendeı. Eń bastysy, aýyl jastary bir kásipke mamandanyp, jastaıynan eńbekke pisip ósetin boldy.
Oralhan DÁÝIT,
«Egemen Qazaqstan».
Ońtústik Qazaqstan oblysy.
Sýretti túsirgen Qaısar ShERIM.
