Oblys ortalyǵynda táýligine 7 tonna nan-toqash ónimderin shyǵaratyn kásiporyn «Kornleben» seriktestigine qaraıdy. Jýyrda paıdalanýǵa berilgen kásiporynnyń qurylymy men jaraqtandyrylýyna kásipker Nıkolaı Mıllerdiń aıtýynsha, 82 mıllıon teńge ınvestısııa salynypty. Jańa kásiporynda 40 adam jumys jasaıdy. Ortasha jalaqy mólsheri – 65 myń teńge. Bizdiń mindetimiz – aýyl sharýashylyǵy ónimderin óńdeý. Bızneske qoldaý kórsetilýde. Endi halyqty sapaly nan ónimderimen qamtamasyz etip, aldaǵy ýaqytta syrtqy naryqqa shyǵý, deıdi jańa kásiporyndy iske qosqan aýyl men qaladaǵy qos seriktestik ıesi kásipker Nıkolaı Mıller. Qurylǵylar men qural-jabdyqtar Germanııadan satyp alynǵan.
Oblys ortalyǵynda táýligine 7 tonna nan-toqash ónimderin shyǵaratyn kásiporyn «Kornleben» seriktestigine qaraıdy. Jýyrda paıdalanýǵa berilgen kásiporynnyń qurylymy men jaraqtandyrylýyna kásipker Nıkolaı Mıllerdiń aıtýynsha, 82 mıllıon teńge ınvestısııa salynypty. Jańa kásiporynda 40 adam jumys jasaıdy. Ortasha jalaqy mólsheri – 65 myń teńge. Bizdiń mindetimiz – aýyl sharýashylyǵy ónimderin óńdeý. Bızneske qoldaý kórsetilýde. Endi halyqty sapaly nan ónimderimen qamtamasyz etip, aldaǵy ýaqytta syrtqy naryqqa shyǵý, deıdi jańa kásiporyndy iske qosqan aýyl men qaladaǵy qos seriktestik ıesi kásipker Nıkolaı Mıller. Qurylǵylar men qural-jabdyqtar Germanııadan satyp alynǵan.
Jalpy, nemis tilinen aýdarǵanda «Kornleben» «altyn dán» degen maǵynany bildiredi eken. Nıkolaı Mıllerdiń aıtýynsha, kásiporyn 2002 jyly dıirmen kesheni retinde ashylypty. Makaron ónimderin shyǵaratyn seh iske qosylypty. Endi, mine, jańa naýbaıhana da iske qosyldy. Alqapta jınalǵan bıdaıdy qalaǵa «Kornleben» kásipornyna jetkizedi. Iаǵnı, aýyldaǵy seriktestiktiń endi qalada óz ónimderin óndiretin kásiporyndary bar, astyqty qaıda ótkizemiz dep bas qatyrmaıdy. Kásiporynda birinshi jáne joǵary surypty un, makaronnyń 15 túri, nan-toqash ónimderiniń 12 túri daıyndalady. Nan-toqashtary oblystan bólek, elimizdiń ózge de óńirlerine jetkiziledi. Sharýashylyq ıesi bolashaqta «Kornlebenniń» ónimderin alys-jaqyn shetelderge eksporttaý josparda baryn aıtty.
Aldaǵy ýaqytta «Kornlebende» kúnbaǵys maıyn óndiretin seh ashylady. Jalpy, «Kornleben» kásiporny – Ertis aýdanyndaǵy «Abaı» jaýapkershiligi shekteýli seriktestiginiń oblys ortalyǵyndaǵy qurylymy. О́ńirdegi astyq ósiretin Ertis aýdanyndaǵy Abaı atyndaǵy seriktestik ótken jyly kúzgi jıyn-terin kezinde 100 myń tonnadan astam bıdaı jınap aldy. Dalanyń mol ónimi endi, mine, qalalyqtardyń dastarqanyna da jetti. N.Mıller basqaratyn «Abaı» seriktestigi 60 myń gektar alqapqa egin egedi. Aýyldyń alańsyz jumysy men tynys-tirshiligi úshin barlyq áleýmettik jaǵdaılar jasalǵan. Ár úıge sý kelip turady. Balabaqsha, mádenıet úıi, monsha, emhana, dárigerlik pýnkt, ashana, qonaqúıi, mektep, dúkender, naýbaıhana, kondıterlik sehtar, sút ónimderi – barlyǵy da bar, basseın, sport keshenderi túgeldeı jumys jasap tur. Dál qaladaǵydaı ómir. Keńes ókimeti kezinde salynǵan qyrýar dúnıeni sharýashylyqtar ydyraǵan jekeshelendirý naýqanynda Mıller satyp alyp, saqtap qaldy. Sol qalpynda búlinbeı, buzylmaı búgingi aýyldyń qolyna tıdi. Mıller týǵan aýylyn búldirgige saldyrmady. Búginde onyń qyzyǵyn aýyl halqy kórip otyr. Mıllerdiń aýyly jaınap tur, sút óńdeıtin kásiporyn da bar, onda aıran da, qaımaq ta, irimshik, maı óndiriledi.
Jobalyq qýaty táýligine – 10 tonna. Seriktestik tipti, kim kelip úı salyp beredi dep kútip otyrmaı-aq, óz qarajatyna baıaǵyda turǵyn úıler turǵyzdy.
– Búginde memleket sharýashylyqtardyń jumys jasaýyna múmkindikter jasaýda. О́z basym shetelderde kóp bolamyn. Bárin de kórip júrmiz. Al, biz – aýyldyq kásipkerler bizdiń memlekettiń jasaǵan múmkindikterin durys paıdalana bilýimiz kerek, – deıdi Nıkolaı Mıller.
Farıda BYQAI,
«Egemen Qazaqstan».
Pavlodar oblysy.
Sýretterdi túsirgen Valerıı BÝGAEV.
