О́ner • 10 Tamyz, 2021

Qazaqstandyq fılm Nıý-Iorktegi kınofestıvalde kórsetiledi

533 ret

kórsetildi

1 mın

oqý úshin

«Janym, ty ne poverısh« fılmi New York Asian Film Festival kınofestıvalinde kórsetiledi, dep habarlaıdy Egemen.kz.

Gaýhar QAPASh

Qazaqstandyq fılm Nıý-Iorktegi kınofestıvalde kórsetiledi

12 tamyzda qazaqstandyq kartınanyń Soltústik Amerıkada tusaýkeseri ótedi. Kınofestıval bıyl onlaın formatta da, oflaın rejımde de ótedi. 6 tamyzdan 22 tamyzǵa deıin Lınkoln ortalyǵynda 60-tan asa túrli janrdaǵy fılm kórsetiledi.

Rejısser Ernar Nurǵalıevtiń «Janym, ty ne poverısh» kartınasynyń tarıhy jas jubaılar arasyndaǵy qarapaıym otbasylyq janjaldan bastalady (Danııar Alshınov pen Ásel Qalıeva). Jaǵdaı shıelenise bastaǵanda Dastan esimdi bas keıipker (Azamat Marklenov, Erlan Pirimbetov) bıznesmen jáne ýchaskelik polısııa qyzmetkeri balyq aýlaýǵa shyǵady. Kútpegen jaǵdaılar bul kúndi qandy oqıǵaǵa aınaldyrady.

«Biz batyl, kúlkili, qyzyq kıno túsirdik. Bir jaǵynan avtorlyq kıno, osyǵan deıin túsirilgen basqa kınokartınalarǵa uqsamaıdy, ekinshi jaǵynan múldem kórermen kútpegen oqıǵalarǵa toly, kóptegen juldyzdarmen, mýzykamen jáne keremet ázilmen tolyqqan fılm. Ssenarııde erkindik kóp. Rejıssıor retinde aıtarym, bul fılm kórermen tarapynan joǵary baǵalatyn týyndy bolady», dedi fılm rejısseri.

Aıta keteıik, «Janym, ty ne poverısh» Katalonııadaǵy Halyqaralyq kınofestıvaldiń (Sitges International Film Festival) konkýrstan tys baǵdarlamasynda tanystyryldy, sondaı-aq reseılik «Kınoshok-2020»kınofestıvalinde úsh marapatqa ıe boldy, onyń ishinde «Zolotaıa loza» festıvaliniń bas júldesi de bar.