Kezdesý taqyryby – balalar quqyǵyn qorǵaý

Qazaqstan Respýblıkasy Joǵarǵy Sotynyń Tóraǵasy Qaırat Mámı BUU Balalar qorynyń (IýNISEF) Qazaqstan Respýblıkasyndaǵy ókili Djýn Kýkıtany qabyldady.

Qazaqstan Respýblıkasy Joǵarǵy Sotynyń Tóraǵasy Qaırat Mámı BUU Balalar qorynyń (IýNISEF) Qazaqstan Respýblıkasyndaǵy ókili Djýn Kýkıtany qabyldady.

Q.Mámı kezdesý barysynda IýNISEF uıymynyń Qazaqstandaǵy qyzmetine, atap aıtqanda Astana jáne Almaty qalalarynda káme­let­ke tolmaǵandardyń isteri jónindegi sottardy qurý týraly jobalardyń sátti iske asyrylǵanyn joǵary baǵalap, ulttyq ıývenaldy ádilettiń qalyptasýyna jáne damýyna qoldaý kórsetkeni úshin alǵys bildirdi. Tóraǵa Qazaqstan tarapynan ózara yntymaqtastyqty tereńdetýge qyzyǵýshylyq tanytyp otyrǵandyǵyn atap ótti.

Dj.Kýkıta Qazaqstandaǵy ós­keleń urpaqtyń quqyqtary men múddelerin qorǵaý jónindegi bel­sendi jumysty erekshe atap, ıývenaldy ádilet salasyndaǵy Qazaqstannyń biregeı tájirıbesi týraly Birikken qujattar toptamasyn daıyndaýdy jáne halyqaralyq qaýymdastyq nazaryn aýdarýdy usyndy.

Dj.Kýkıta Qazaqstan Res­pýb­lıkasynyń Prezıdenti N.Á.Na­zar­baev qol qoıǵan 1994 jyly shilde aıynda ratıfıkasııalanǵan Bala quqyqtary týraly konvensııaǵa ústimizdegi jylǵy aqpan aıynda 20 jyl tolatynyn habarlady. Osyǵan oraı ataýly kúnge arnalǵan halyqaralyq is-shara ótkizý barysynda ıývenaldy ádilet salasyndaǵy ulttyq jetistikter týraly Birik­ken qujattar toptamasynyń tu­saý­keserin uıymdastyrý usynylyp otyr.

Kezdesý barysynda bitimgershilik, medıasııa jáne dıvergensııa salalarynda odan ári ózara yqpaldastyqqa baǵyttalǵan máseleler keńinen talqylandy, dep habarlady QR Joǵarǵy Sotynyń baspasóz qyzmeti.