Keshe Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Qazaqstandaǵy dıplomatııalyq qyzmetiniń aıaqtalýyna baılanysty Cheh Respýblıkasynyń elshisi Bedrjıh Kopeskıdi qabyldady, dep habarlady Qazaqstan Respýblıkasy Parlamenti Senatynyń baspasóz qyzmeti.
Keshe Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Qazaqstandaǵy dıplomatııalyq qyzmetiniń aıaqtalýyna baılanysty Cheh Respýblıkasynyń elshisi Bedrjıh Kopeskıdi qabyldady, dep habarlady Qazaqstan Respýblıkasy Parlamenti Senatynyń baspasóz qyzmeti.
Q.Toqaev cheh dıplomatynyń jumysyn oń baǵalap, joǵary deńgeıdegi kezdesýlerdi tabysty ótkizýge jáne parlamentaralyq únqatysýdy údetýge qosqan úlesin atap ótti. Qazaqstan men Chehııanyń ekijaqty formatyndaǵy jáne Qazaqstannyń Eýroodaq qatynastary formatyndaǵy yntymaqtastyǵy odan ári nyǵaıatynyna senim bildirildi.
Sol kúni Senat Tóraǵasy Bolgarııa Respýblıkasynyń senimdi ýákili, elshi Ivan Dımıtrovpen kezdesip, Qazaqstan-Bolgarııa yntymaqtastyǵynyń ózekti máselelerin talqylady. Kezdesý barysynda Q.Toqaev eldegi áleýmettik-ekonomıkalyq ahýalmen tanysý úshin Bolgarııa Ulttyq Jınalysynyń depýtattaryna shaqyrýyn jetkizdi. Bolgar dıplomaty bul usynysty Qazaqstan men Bolgarııanyń kópturpatty yntymaqtastyǵynyń «jol kartasy» turǵysynda parlamentaralyq baılanystardy odan ári damytýdyń tamasha múmkindigi retinde qabyldady.
