Jambyl oblystyq tótenshe jaǵdaılar departamenti órt sóndirý mekemesiniń 101 telefon nómirine Taraz qalasy Abaı kóshesi, 280 mekenjaıynda ornalasqan qalalyq №2 polısııa bóliminde órt oqıǵasy oryn alǵandyǵy jóninde habarlama kelip túsken.
Bul týraly oblystyq TJD baspasóz qyzmeti habarlady.
«Shaqyrtý boıynsha oqıǵa ornyna Taraz qalalyq órtke qarsy qyzmet garnızonynyń kúsh-quraldary jetti. Tilsiz jaýdy aýyzdyqtaýǵa 11 órt sóndirý tehnıkasy men 46 adam jumyldyryldy. О́rt sóndirý barysynda sý berýge arnalǵan 5 qol oqpany qoldanyldy. Sondaı-aq oqıǵa ornynda gaz-tútinnen qorǵaý 3 toby qurylyp, órt sóndirý jumysyn atqardy», delingen vedomstvo habarlamasynda.
О́rt dereý oqshaýlanyp, tolyǵymen sóndirildi. О́rttiń aýdany 30 sharshy metrdi qurady. Zardap shekkender joq. Qazirgi ýaqytta materıaldyq shyǵyn kólemi men órttiń sebepteri anyqtalyp jatyr.
