Qyzylorda qalalyq Polısııa basqarmasynyń kezekshi bólimine qala turǵyny aryz túsirgen. Onyń aıtýynsha, qala ortalyǵyndaǵy kóshelerdiń birinde belgisiz bireý taksı toqtatyp, belgilengen jerge aparyp tastaýyn suraǵan. Nátıjesinde jolaýshy taksı júrgizýshisiniń avtokóliginde jatqan 800 myń teńge aqshasy men Samsung markaly uıaly telefonyn qoldy qylǵan.
Uryny qamaýǵa alý maqsatynda jergilikti polıseılerden jedel-tergeý toby qurylyp, jan-jaqty izdestirý jumystary júrgizildi. Nátıjesinde kúdikti anyqtalyp, ustaldy. Ol 26 jas shamasyndaǵy qyzylordalyq áıel bolyp shyqty. Taksıge mingen qylmysker 880 myń teńge shyǵyn keltirgen.
Atalǵan derek boıynsha Qazaqstan Respýblıkasy Qylmystyq kodeksiniń 188-babynyń 1-bóligi (Urlyq, ıaǵnı bótenniń múlkin jasyryn urlaý) boıynsha sotqa deıingi tergeý jumystary júrgizilýde.
