«Dástúrli oqytý formatyna kóshý – qajetti shara. Ata-analardyń, muǵalimder men mektep oqýshylarynyń basym kópshiligi bul jańalyqty kópten kútti. Jaqynda vedomstvoaralyq komıssııa jańa oqý jylyn dástúrli formatta bastaýǵa bolady degen sheshim qabyldady», dedi Bilim mınıstri.
Ashat Aımaǵambetov oflaın format balabaqshalarǵa, kolledjderge, joǵary oqý oryndaryna da qatysty ekenin atap ótti.
«Balalardyń qaýipsizdigi – biz úshin mańyzdy másele. Biz qajetti uıymdastyrýshylyq daıyndyqty qamtamasyz etýimiz kerek. Sanıtarlyq shekteýler, eń aldymen, maska rejımi. Ekinshisi – kvars rejımi, dezınfeksııa. Úshinshisi – synyptyń bir ǵana kabınette bolýy, ıaǵnı kabınettik júıe joıylady. Bir synyp bekitilip, úzilis ár túrli ýaqytta bolady», dep túsindirdi QR Bilim mınıstri.
