«Eger mektepte bes kúndik oqý aptasy ótetin bolsa, árıne, quptaýǵa bolady, biz bes kúndik oqý aptasy qajet dep sanaımyz.
Alaıda pandemııaǵa baılanysty áleýmettik ara qashyqtyq saqtaý qajet jáne sanıtarlyq talaptar bar. Keıbir mektepter oqý prosesin uıymdastyrý kezinde oqý baǵdarlamasyn bes kúnge syıǵyza almasa, keıbir sabaqtar altynshy kúnge aýystyrylady», dedi mınıstr.
Ol dál osyndaı tájirıbe aldyńǵy jyldary qoldanylǵanyn túsindirdi.
«Biz jyl saıyn bes kúndik oqý aptasynda oqıtyn mektepterdiń sanyn kóbeıtemiz. Biraq solaı bolsa da, bizde alty kún oqyǵan mektepter kóp, sebebi olarǵa bes kún oqý úderisin uıymdastyrý fızıkalyq túrde múmkin bolmady», dedi mınıstr.
Soǵan qaramastan, Aımaǵambetov bes kúndik kezeń balaǵa da, muǵalimderge de tıimdi ekenin aıtty.
