Otyrǵyzý kólemi jyl saıyn 2021 jylǵy 129,7 mln aǵashtan 2025 jyly 642,8 mln aǵashqa deıin ulǵaıatyn bolady.
Jobany júzege asyrý úshin mınıstrliktiń barlyq oblys pen vedomstvolyq baǵynysty mekemesinde ormandardy molyqtyrý men orman ósirýdiń 5 jyldyq keshendi josparlary bekitildi. Olardy ázirleý kezinde qoldanystaǵy pıtomnıkterdiń jáne kóshet ósiretin uıymdardyń múmkindigine taldaý jasaldy. О́ńirlerde otyrǵyzylatyn materıal jetkiliksiz bolsa, josparly pıtomnıkterdi keńeıtý jáne ýaqytsha pıtomnıkter qurý kózdelgen. Sondaı-aq orman daqyldarynyń tuqymyn jınaý kórsetkishi de eskerildi. Jobaǵa 200-den astam orman pıtomnıgi men basqa da uıymdar qatysady.
Búgingi tańda Qazaqstanda orman daqyldarynyń kóshetin kóbeıtý men ósirýdi júzege asyratyn 44 turaqty jáne 158 ýaqytsha pıtomnık pen uıym jumys isteıdi. Olardyń qorynda qaraǵaı, shyrsha, balqaraǵaı, qaıyń, shegirshin, sekseýil, úıeńki, shaǵan, emen jáne basqa da aǵash túrleriniń 1-3 jastaǵy 165,5 mln dana kósheti bar. Bári - otandyq ónimder.
Aıta keteıik, joba aıasynda shamamen 610 myń dana sekseýil , 555 myńnan astam qaraǵaı. 193 myńnan astam úıeńki, 132 myńnan astam shegirshin, 100 myńnan astam qaıyń jáne basqa da aǵash túrlerin otyrǵyzý josparlanǵan.
