Ekonomıka • 12 Tamyz, 2021

Startapshylardy qarjylandyrýǵa kiristi

69 ret kórsetildi

Astana Hub IT-ónimderin shyǵarýmen aınalysatyn básekege qabiletti Qazaqstannyń, TMD-nyń jáne búkil álemniń startapshylaryna arnap, Seed Money baǵdarlamasyn iske qosty. Soǵan sáıkes, tyń jobalardyń avtorlaryna 47 myń dollar nemese 20 mln teńgege deıin qarajat alýdyń múmkindigi týyp otyr.

Bul qarajatty ıelený úshin úmitkerlerge konkýrstyq irik­teý­den ótip, Astana Hub qatysý­shysy­na aınalý qajet. Sheteldik joba­lardyń avtorlaryna osy syn­ǵa túsý úshin elimizdiń astanasy­na ýaqytsha qonys aýdarýǵa týra keledi.

Seed Money-dan bólek, úmit­ker­ler akselerasııanyń qatysý­shylar retinde keń aýqymdy qol­­daý­­men qamtylady. Atap aıt­qanda, IT-joba avtorlaryna tegin ju­mys keńistigi, oqytý jáne tálim­ger­lik kýrstary usynylyp, 500 IT-kom­panııadan turatyn ınves­­tor­lar men salalyq qaýym­das­tyq ókilderimen baılanys orna­tý­men birge salyqtyq jáne vıza­lyq preferensııalar, sondaı-aq PR baǵytta qoldaý múmkindigi beriledi.

Astana Hub-tan qarjylan­dyrý teti­gine qol jetkizý úshin irik­­teý­diń 6 kezeńinen ótý shart. Oǵan ótinim berý jáne ony tek­serip qaraý, ótinimdi sara­laý, prezentasııaǵa jobalardy irikteý, pıtch-prezentasııa, ko­mıs­sııa­nyń sheshimi jáne sońyn­da úmit­ker­lermen shart jasasý kiredi. Jeńim­pazdar úsh jyl kóle­minde óz ta­bys­tarynan qosymsha 1%-dy Asta­na Hub-tyń enshisine aýdarýǵa, son­daı-aq basqa startaptardy damy­týǵa kómektesýge mindetti bolady.

Táýelsiz sarapshylardan ja­saqtalǵan komıssııa MVP, Product-Market Fit jáne Scale syn­dy bir­neshe kezeńde 35 úzdik jobany irik­teıdi. Bul rette IT salasyna qatys­ty kez kelgen tehnologııalyq jáne ınnova­sııa­­lyq jańa joba Astana Hub basymdyq bergen qyzmet túr­lerine sáıkes kelse, atalǵan baǵ­dar­lamaǵa qatysýǵa quqyly.

Uıymdastyrýshylardyń aıtýynsha, Seed Money baǵdar­lamasy IT-ónimderiniń eksportyn yntalandyryp, tájirıbe almasý­ǵa jáne úzdik tájirıbelerdi en­gizý­diń nátıjesinde jergilikti kadr­lar­dy damytýǵa oń áserin tıgizedi.

«Qarjylandyrý revenue share (tabysty bólý) modeli negizinde júzege asyrylady. 3 jyl ishinde baǵ­darlamaǵa qatysýshy ár toq­san saıyn túsken tabystyń 1% mól­sherindegi qarajatty tóleý­ge min­detti. Bul óz kezeginde alda­ǵy startapshylardyń jańa legin qar­jylandyrýǵa jol ashady», dedi Astana Hub-tyń bas dırektory Maǵjan Mádıev.

О́tinimderdi qabyldaý 2 tamyzda bastalyp, aıaqtalý merzimi startaptyń damý satysyna baılanysty bolady.

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar