«Qarjylyq monıtorıng agenttiginiń Shyǵys Qazaqstan oblysy boıynsha aýmaqtyq departamenti «Azııa-Avto» AQ tobynyń negizin qalaýshy Anatolıı Balýshkınge qatysty QR QK 190-baby, 4-bóligi (alaıaqtyq) boıynsha qozǵalǵan qylmystyq isti tergep jatyr. Kúdiktige izdeý jarııalandy», delingen agenttik habarlamasynda.
Vedomstvo tergeý múddesi úshin basqa aqparat jarııalaýǵa jatpaıtynyn atap ótti.
Aıta keterlik jaıt, Anatolıı Balýshkın Forbes nusqasy boıynsha Qazaqstannyń eń bedeldi bıznesmenderi qataryna engen. 2020 jyly onyń ıeliginde 150 mıllıon dollar bar ekeni belgili bolǵan jáne ol «Azııa Avto» AQ men «Bıpek Avto Qazaqstan» AQ-tyń basty aksıoneri bolyp sanalǵan.
