«Pavlodar qalasynyń patrýldik polısııa batalonynyń polıseıleri táýlik boıy qoǵamdyq jáne jol qaýipsizdigin qamtamasyz etedi. Sońǵy táýlik ishinde polıseıler 103 quqyq buzýshylyq faktisin anyqtady, onyń ishinde 94-i jol qozǵalysy erejelerin buzǵany úshin, altaýy mas kúıinde avtokólikti basqarǵany úshin», dep habarlady Pavlodar qalasy patrýldik polısııa batalony komandıriniń mindetin atqarýshy Altynbek Medııarov.
Sondaı-aq ol polısııa qyzmetkerleriniń profılaktıkalyq jumystar men eskertýlerdiń turaqty júrgizilýine qaramastan, azamattar erejelerge qaıshy kelip, joldarda tártipsiz júretinin aıtty.
Patrýldeý kezinde saǵat 14.45-te qyzmet ınspektorlary Pavlodar qalasyndaǵy Roza Lıýksembýrg kóshesindegi 102 úıdiń aýlasynda úlken jyldamdyqpen kele jatqan Land Cruiser Prado markaly avtokólikti baıqaǵan.
Júrgizýshi avtopatrýldi kórip, jasyrynýǵa tyrysyp baqty. Tekserý barysynda júrgizýshi ishimdik ishkeni anyqtaldy. Tártip buzýshynyń avtokóligi aıyppul turaǵyna qamaldy, al júrgizýshige qatysty QR ÁQBK 608-baby boıynsha ákimshilik is qozǵaldy.
Mamandandyrylǵan ákimshilik sottyń qaýlysymen júrgizýshi 7 jyl merzimge kólik quraldaryn júrgizý quqyǵynan aıyryldy, er adam 1-toptaǵy múgedek bolǵandyqtan ákimshilik qamaýǵa alý qoldanylmady.
Ekinshi jaǵdaıda saǵat 00.30-da polısııaǵa er adamnan qońyraý kelip tústi. Ol Vorýshın kóshesinde ornalasqan kafeden Hyundai Elantra markaly avtokólik shyǵyp ketkenin, al onyń júrgizýshisi mas kúıde bolǵanyn habarlady. Kólik toqtatylyp, 34 jastaǵy júrgizýshi kýálandyryldy. Kýálandyrý júrgizýshiniń ortasha dárejede mas kúıde ekenin rastady. Onyń kóligi aıyppul turaǵyna qoıylyp, júrgizýshige qatysty QR ÁQBK 608-baby boıynsha ákimshilik materıal jasaldy.
Sot qaýlysymen júrgizýshi jeti jyl merzimge kólik quraldaryn júrgizý quqyǵynan aıyrylyp, 15 táýlik merzimge ákimshilik qamaýǵa alyndy.
