Baǵystyqtar tabıǵı gazǵa qol jetkizdi. «QazTransGaz» kompanııasy Prezıdent tapsyrmasyn jyldam ári tııanaqty oryndady

Prezıdent Qasym-Jomart Toqaev shekara mańynda ornalasqan Saryaǵash aýdany Baǵys aýylynyń áleýmettik máselelerin tezdetip sheshý, sonyń ishinde aýyldy tabıǵı gazben qamtamasyz etý jóninde naqty tapsyrma bergen bolatyn. «QazTransGaz» ulttyq kompanııasy jergilikti ákimdikpen birlese otyryp Memleket basshysynyń tapsyrmasyn eń qysqa merzimde – 2021 jyldyń mamyr-tamyz aılarynyń aralyǵynda oryndap shyqty. Kúni keshe Saryaǵash aýdany Aqjar aýyldyq okrýgine qarasty Baǵys aýylynyń turǵyndary tabıǵı gazǵa qosylý múmkindigine ıe boldy.

– Shekara syzyǵynyń boıynda ornalasqan Baǵys aýyly Qazaq­stan men О́zbekstannyń ózara keli­si­miniń nátıjesinde Qazaqstan aýma­­ǵyna qosylǵany belgili. Bıyl Úki­mettiń arnaıy qaýlysy ja­ryq kórip, aýylymyz Túrkistan obly­sy­nyń kartasyna endi. Kóktem­de Prezıdent Qasym-Jomart Toqaev bizdiń aýyldyń áleýmettik máse­le­lerin sheshý jóninde tapsyrma bergenin estip, qýanyp edik. Mine, sol tapsyrma oryndalyp, ha­lyq qýanyshqa bólenip jatyr. Mem­leket basshysynyń tapsyrma­syn tııanaqty oryndap shyqqan «QazTransGaz» kompanııasyna  jáne Túrkistan oblysynyń, Saryaǵash aýdanynyń ákimdigine alǵysymyzdy bildiremiz, – dedi tabıǵı gazdyń alaýyn saltanatty jaǵdaı jaqqan Baǵys aýylynyń bıi Abıdýlla Qusaıynov.  

Jalpy, búkil respýblıkaǵa shıpaly sýymen tanymal Saryaǵash aýdanynda 72 eldi meken bar. Búginge deıin sonyń 42-si kógildir otyn­ǵa qol jetkizgen. Iаǵnı eldi meken­der­diń gazben qamtylý kórsetkishi 58 paıyzdy quraıdy. Al Qazyǵurt aýdanyndaǵy 64 aýyldyń 44-i tabıǵı gazǵa qosylǵan. Bul aýdandaǵy gazdandyrý kórsetkishi – 68 paıyz.

Jaqynda Saryaǵash aýdanda «Taskesken» jáne Qazyǵurt aýdanynda «Qaqpaq» avtomattan­dy­ryl­­ǵan gaz taratý stansalarynyń qu­rylysy aıaqtalyp, paıdalanýǵa beril­di. Osylaısha, qos aýdandaǵy Qyzylseńgir, Tuǵyr, Zańǵar, Qaqpaq, Syr­lysaı, Baǵys, Shymyrbaı, Dar­baza, Jańatalap, Tegisshil, Taskes­ken, Mádenıet, Mádenıet-2, Jyly­sý, Aqúı, Dastan, Alǵabas, Qurkeles jáne  Taskesken-2 eldi mekenderine kógildir otyn jetkizildi.

– «Qaqpaq» jáne «Taskesken» stansalarymen qosa, 300 shaqyrym­ǵa gaz qubyry tartyldy. Bul 19 el­di me­kendegi 22 myńnan astam halyq­ty gazben qamtýǵa múmkindik be­rip otyr. Bul eldi mekenderde 5 myńnan astam otbasy men  250 áleýmettik, kásipkerlik nysandary bar. «QazTransGaz» kompanııasy bul stansalardyń, odan taraıtyn qubyrlardyń barlyq tehnıkalyq jáne qaýipsizdik normalaryna sáıkes salynýyn qadaǵalady. Biz halyqqa úzdiksiz, qaýipsiz jáne avarııasyz gaz berilýine atsalysamyz. Gaz – tıimdi de paıdaly otyn, biraq ony paıdalaný kezinde qaýipsizdik sharalary birinshi kezekte turýy kerek,  – deıdi «QazTransGaz Aımaq» AQ-y Túrkistan óndiristik fılıalynyń dırektory Shalqar Omarbekov.

Bolashaqta «Taskesken» avtomat­tandyrylǵan gaz taratý stansasynan kórshiles Keles aýdanynyń 6 eldi mekenine de tabıǵı gaz jetkizilmek. Aıta keteıik, búginde Kelestegi 83 aýyldyń 39-y tabıǵı gazǵa qosylǵan.  

 Sh.Omarbekovtiń aıtýynsha, qazir avtomattandyrylǵan gaz taratý stansasyna jalǵanǵan bar­lyq aýylǵa tabıǵı gaz kelip tur. Birinshi kezekte Saryaǵash aýda­nyn­daǵy Baǵys jáne Tegisshil aýyl­­dary tabıǵı gazǵa qosylǵan. Endigi jerde turǵyndar gazdy kóshe­den úıine deıin kirgizý úshin «QazTransGaz Aımaq»  kompanııasymen kelisimshart jasap, arnaıy bekitilgen jobaǵa sáıkes qurylys-montaj jumystaryn júrgizýi tıis. Esepteýish quraldar ornatylyp, arnaıy plomba soǵylǵannan keıin tabıǵı gazdy paıdalanýyna bolady.

Jalpy, Túrkistan oblystyq ener­getıka basqarmasynyń málime­tine súıensek, oblystaǵy 843 eldi meken­niń 423-i gazdandyrylǵan. Bıyl ob­lys­ta osy baǵytqa 14 mlrd teńge bó­lin­­gen. Túrkistan oblysyn damy­tý­dyń keshendi josparyna sáı­kes, 2026 jylǵa deıin óńirdegi eldi mekenderge tabıǵı gaz jetkizý úshin 90 mlrd teńge bólý josparlanǵan. Nátıjesinde, aldaǵy bes jylda Túrkistan oblysy­nyń aýmaǵy tolyǵymen gazdandyrylady dep josparlanǵan.  

Mamandardyń aıtýynsha, tabıǵı gaz – búginde kúni eń taza organı­ka­lyq otyn bolyp esepteledi. Sondyq­tan Túrkistan oblysynda  eldi me­kenderdi gazdandyrý júıeli túrde júr­gizilýde. Bul zııandy qaldyqtar kólemin aıtarlyqtaı azaıtýǵa, óńir­diń ekologııalyq jaǵdaıyn edáýir jaqsartýǵa múmkindik beredi. Sony­men qatar tabıǵı gazdy paıdalaný turǵyndar úshin qarjylyq jaǵynan da tıimdi ekeni belgili.

Aıdar QULJANOV

Túrkistan oblysy