Tıisti qaýly Ulttyq quqyqtyq portalda jarııalandy.
Vaksınalaý týraly sertıfıkatqa qoıylatyn talaptar mynadaı:
- vaksına kýrsy shekaradan ótý kúnine deıin keminde bir aı buryn jáne 12 aıdan aspaıtyn ýaqytta aıaqtalýy tıis;
- Tegi, aty, ákesiniń aty (bar bolsa) kórsetilýi tıis;
- sertıfıkatta vaksına kýrsynyń aıaqtalǵan kúni kórsetilýi tıis;
- qujat orys, belarýs nemese aǵylshyn tilderinde bolýy kerek.
Belarýs Densaýlyq saqtaý mınıstrliginiń gıgıena, epıdemıologııa jáne profılaktıka bóliminiń bastyǵy Inna Karaban bul jańalyqqa túsinikteme berip, vaksına sertıfıkaty bar adamdar úshin atalǵan elge kirgen kezde oqshaýlanýǵa qoıylatyn talaptardy jáne PTR-testileýdi alyp tastaıtynyn atap ótti. Sondaı-aq, Belarýske vaksına alýǵa kelgen adamdar oqshaýlanbaýy múmkin, biraq olardan áli de PTR-test talap etiledi.
