Taǵaıyndaý • 13 Tamyz, 2021

QR Qarjy vıse-mınıstri taǵaıyndaldy

1013 ret

kórsetildi

1 mın

oqý úshin

QR Úkimetiniń Qaýlysymen Danııar Erenǵalıuly Janalınov QR Qarjy vıse-mınıstri qyzmetine taǵaıyndaldy. Bul týraly QR Premer-Mınıstriniń baspasóz qyzmeti málim etti, dep habarlaıdy Egemen.kz.

Gaýhar QAPASh

Danııar Janalınov 1975 jyly Almaty oblysynda dúnıege kelgen. Qazaq kólik jáne kommýnıkasııa akademııasyn bitirgen.

Mamandyǵy boıynsha biliktiligi — ınjener-ekonomıst.

Eńbek jolyn 2000 jyly Taldyqorǵan qalasy boıynsha Salyq komıtetiniń zańdy tulǵalar salyq aýdıti sektorynyń salyq ınspektory qyzmetinen bastady.

2002-2008 jyldary Almaty oblysy boıynsha Salyq komıtetinde túrli qyzmetter atqarǵan.

2008-2010 jyldary – Almaty oblysy boıynsha Salyq departamenti bastyǵynyń orynbasary.

2010-2014 jyldary QR Qarjy mınıstrligi Salyq komıtetiniń qurylymynda basshylyq qyzmetter jasady.

2014-2018 jyldary – QR Qarjy mınıstrligi Memlekettik kirister komıtetiniń Soltústik Qazaqstan oblysy boıynsha Memlekettik kirister departamentiniń basshysy.

2018 jylǵy shilde aıynan bastap qazirgi ýaqytqa deıin – QR Qarjy mınıstrligi Memlekettik kirister komıtetiniń Mańǵystaý oblysy boıynsha Memlekettik kirister departamentiniń basshysy.