12 tamyzda Taraz qalasy Polısııa basqarmasynyń Jedel basqarý ortalyǵy kezekshi bóliminiń «102» nómirine belgisiz adamnan Shostakovıch kóshesinde ornalasqan «Prestıj» kólik jýý ornyna jarylǵysh zat qoıylǵany týraly habarlama kelip tústi.
Atalǵan mekenjaıǵa jedel jetken polısııa qyzmetkerleri shuǵyl kólik jýý ornyna jaqyn ornalasqan úıdegi 12 turǵyndy evakýasııalady. Barlyq aýmaq tolyq tekserildi, alaıda jarylǵysh zat tabylǵan joq.
Atalǵan derekke qatysty QR QK 273-baby (Terrorızm aktisi týraly kórineý jalǵan habarlaý) boıynsha sotqa deıingi tergeý amaldary bastaldy.
Jedel-izdestirý sharalary barysynda polısııa qyzmetkerleri jalǵan aqparat berip, telefon soqty degen kúdikpen oblys ortalyǵynyń 25 jastaǵy turǵynyn anyqtady. Zattaı dálel – uıaly telefon tárkilendi.
Qazaqstan Respýblıkasy Qylmystyq-prosestik kodeksiniń 201-babynyń talaptaryna sáıkes sotqa deıingi tergep-tekserýdiń qalǵan derekteri tergeý múddesinde jarııalaýǵa jatpaıdy.
Polısııa departamenti daıyndalyp jatqan terrorızm aktisi týraly kórineý jalǵan habarlama jibergeni úshin bes myń aılyq eseptik kórsetkishke deıingi mólsherde aıyppul salýǵa, ne sol mólsherde túzeý jumystaryna, ne bes jylǵa deıingi merzimge bas bostandyǵyn shekteýge nemese bas bostandyǵynan aıyrýǵa jaza qarastyrylatynyn eskertedi.
