Aımaqtar • 14 Tamyz, 2021

Atyraýda 14 myńnan astam bala sportpen shuǵyldanady

201 ret kórsetildi

Atyraý oblysynda sporttyń 26 túrimen shuǵyldanatyn balalardyń sany 14 myńnan asty, dep jazady Egemen.kz.

Oblys ákimi Mahambet Dosmuhambetovtiń aıtýynsha, endi 500 orynǵa arnalǵan sport kolledjin ashý josparlanyp otyr.    

«Memleket basshysy Qasym-Jomart Toqaev «Jańa jaǵdaıdaǵy Qazaqstan: is-qımyl kezeńi» atty halyqqa Joldaýynda «Buqaralyq sportqa, dene tárbıesine jáne balalar sportyna basymdyq berý kerek. Ár oblysta, iri aýdan ortalyqtarynda sport úıirmelerin ashý qajet» degen edi. Osyǵan oraı oblysta sportty, sonyń ishinde, balalar sportyn jaqsartýǵa erekshe basymdyq berilip otyr. Atyraý oblysynyń 2021-2025 jyldarǵa arnalǵan keshendi damý jospary arqyly daryndy balalarǵa arnalǵan 500 orynǵa eseptelgen sporttyq mektep-ınternat-kolledjin ashý josparlanyp otyr. «Nursaıa» shaǵyn aýdanynan salynatyn jańa keshenge 4,6 gektar jer telimi bólindi. 2022 jyly qurylysy bastalatyn bul nysan 2024 jyly paıdalanýǵa berilmek. Munda aýdandardan keletin balalar úshin 200 jatyn oryn bolady» deıdi Mahambet Dosmuhambetov.

Qazir oblysta 17 sport mektebi, 7 dene shynyqtyrý daıarlyq klýby jumys isteıdi. Sondaı-aq, kásibı klýbtar janynan ashylǵan 3 akademııa jáne 2 balalar ortalyǵy bar. Munda sporttyń 26 túrine basymdyq berilgen. Sporttyq seksııalardyń barlyǵy tegin qyzmet kórsetedi. Bul nysandarda 14 myńnan astam bala sportpen shuǵyldanady.

«Bolashaqta qosymsha seksııalar ashýymyz qajet. Jan basyna shaqqanda normatıvtik qarjylandyrýdy memlekettik tapsyrys arqyly júzege asyrý maqsatynda balalar men jasóspirimderge arnalǵan sporttyq seksııalarǵa 2000-ǵa jýyq balany tartý kózdelip otyr. Mundaı múmkindigi mol sport keshenderin barsha turǵynǵa qoljetimdi etip laıyqtaǵan jón» deıdi oblys ákimi.

Bıylǵy jyl basynan beri Atyraý oblysynyń sport salasynda aýqymdy jumys atqarylǵan. Buqaralyq sportty damytý maqsatynda 1 139 nysan jumys isteıdi. Naýryzda Inder aýdanynyń О́rlik aýylynda jańa sporttyq keshen paıdalanýǵa berildi. Endi jyl sońyna deıin Isataı aýdanynyń Janbaı, Mahambet aýdanynyń Mahambet, Maqat aýdanynyń Maqat, Inder aýdanynyń Jarsýat, Qyzylqoǵa aýdanynyń Mııaly, Saǵyz aýyldarynan sport keshenderi paıdalanýǵa beriledi. Qazir Qulsary qalasyndaǵy ortalyq stadıonǵa jańǵyrtý jumysy júrgizilýde.

Atyraý qalasyndaǵy ortalyq júzý basseınine kúrdeli jóndeý júrgizilgen.  Senimgerlikpen basqarýǵa berilgen basseın dırektory Jalǵas О́tebálıevtiń deregine súıensek, buryn basseınge 400 bala kelgen. Qazir 600-den astam bala sporttyń 4 túri boıynsha tegin jattyǵýǵa qatysady. Jyl sońyna deıin munda kelýshilerdiń sany 1 myńǵa jýyqtaıdy.

«Memleket basshysy buqaralyq jáne balalar sportynyń damýyna basa nazar aýdaryp otyr. Ony júzege asyrý úshin oblystaǵy buqaralyq sportpen shuǵyldanýshylar sanyn 2025 jyly 45 paıyzǵa jetkizý tapsyryldy. Jyl basynan beri turǵyndardy salamatty ómir saltyna tartý, buqaralyq sportty damytý maqsatynda 82 500-den astam adamdy qamtyǵan 550 sporttyq shara uıymdastyryldy. Sportpen turaqty shuǵyldanýshylar sany jalpy oblys turǵyndarynyń 34,2 paıyzyn quraıdy. Bul – 226 589 adam. Endi  munymen shektelip qalmaı, barlyq sporttyq nysandarda turǵyndarǵa budan da qolaıly jaǵdaı týǵyzý qajet. Buqaralyq sportty halyqqa barynsha qoljetimdi bolýy kerek» dep esepteıdi Mahambet Dosmuhambetov.

Basseın dırektory Jalǵas О́tebalıevtyń pikirinshe, jýyrda munda keletin balalardyń sanyn sporttyq seksııalardy jan basyna qarjylandyrý boıynsha arttyrý kózdelgen. Osylaısha, 370 bala sý aıdynyna tegin túsý múmkindigine ıe bolady. Balalarǵa sapaly dáris berý maqsatynda basqa qalalardan bilikti jattyqtyrýshylar shaqyrtylǵan.

«Keshende júzý, sý doby, trıatlon, sýǵa sekirý sekildi sport túrlerine nazar aýdarylyp otyr. Júzý sporty boıynsha jasóspirimder komandasy maýsym aıynda Shymkent qalasynda ótken Qazaqstan chempıonatynda 11 altyn, 3 kúmis medalmen jalpy komandalyq esepte birinshi oryndy ıelendi. Trıatlonshy Nartaı Qazıev Aqmola oblysynda ótken Azııa chempıonatynda 1 kúmis, 1 qola júldege ıe boldy. Al, sý dobynan oblys quramasy respýblıka chempıonatynyń birneshe dúrkin jeńimpazy men júldegeri atandy» dep sý sportyna qatysýshylardyń jetistigimen bólisti Jalǵas О́tebalıev. 

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar