Reseıdiń Kýban qalasynda tolassyz jaýǵan nóser saldarynan eldi mekenderdi sý basty. Búgingi tańda sý astynda qalǵan úıler sany 1,3 myńǵa jetti, sonymen qatar 1,6 myń aýlany sý basty.
Keshe keshke TJM óńirlik basshylyǵy Krasnodar ólkesinde aýa raıynyń qolaısyzdyǵynan 352 úı men 878 aýlany sý basqanyn habarlady.
«Osy sıklon saldarynan 19 eldi mekendegi 1344 jeke úı, 1683 aýlany sý basty», dep jazylǵan habarlamada.
Qutqarýshylar bes lagerdegi 989 balany evakýasııalady.
847 turǵyn, sonyń ishinde 588 bala ýaqytsha ornalastyrý pýnktine jetkizildi.
Temrıýk aýdany Starotıtarovsk stansasynda 25 adam evakýasııalandy.
11 eldi mekende elektr isten shyǵyp, 108 myń adam jaryqsyz qaldy. Qalpyna keltirý jumystary júrip jatyr.
14 mýnısıpalıtette tótenshe jaǵdaı rejımi jarııalandy.
